11 قازان 2016, 16:33 1434 0 سىرتقى ساياسات دينارا مىڭجاسارقىزى

رەسەي مەن تۇركيا گاز قۇبىرىن سالۋعا كەلىسىمگە كەلدى

رەسەي جانە تۇركيا پرەزيدەنتتەرى ۆلاديمير پۋتين مەن رەجەپ تايىپ ەردوعاننىڭ كەلىسسوزدەرىنەن كەيىن ەكى ەلدىڭ ەنەرگەتيكا مينيسترلەرى "تۇرىك اعىنى" گاز قۇبىرى جوباسى جونىندەگى كەلىسىمگە قول قويدى. بۇل جونىندە تاسس اگەنتتىگى حابارلايدى.

"گازپروم" كونتسەرننىڭ باسشىسى الەكسەي ميللەر وسىعان دەيىن حابارلاعانداي، كەلىسىمدە قارا تەڭىزدىڭ ءتۇبى ارقىلى ماگيسترالدى ەكى جەلىنىڭ قۇرىلىسىن سالۋ قاراستىرىلعان. جوبانىڭ قۇرىلىسى 2019 جىلدىڭ جەلتوقسان ايىنا دەيىن اياقتالۋعا ءتيىس.

2014 جىلى ەۋرووداقتىڭ گاز قۇبىرى جوباسى ء"ۇشىنشى ەنەرگيا پاكەتى" تالابىنا ساي بولۋ قاجەت دەگەن ۇستانىمىنان كەيىن رەسەي "وڭتۇستىك اعىن" قۇرىلىسىن توقتاتىپ، وعان بالاما رەتىندە – "تۇرىك اعىنى" جوباسىن باستاۋدى شەشكەن. الايدا ەكى ەل اراسىنداعى قارىم-قاتىناستىڭ ناشارلاۋىنان كەلىسسوزدەر توقتاپ قالعان. ەندى ارىپتەستىك بايلانىس قايتا ورناعاننان كەيىن جوبا جۇمىسى دا قايتا باستالدى.

رەسەي تۇركياعا قاتىستى ەكونوميكالىق سانكتسيانى جارتىلاي الىپ تاستادى. پرەزيدەنت ۆلاديمير پۋتين رەسەي بازارىنا تۇرىكتىڭ اۋىلشارۋاشىلىق تاۋارلارىن جىبەرەتىنىن حابارلاعان.

سوڭعى جاڭالىقتار