17 قىركۇيەك, 21:32 459 0 جاھان انار لەپەسوۆا

دۇنيەجۇزىلىك بانك الەم ەكونوميكاسىن قالپىنا كەلتىرۋگە قانشا ۋاقىت كەرەگىن ايتتى

سۋرەت ينتەرنەتتەن الىندى
سۋرەت ينتەرنەتتەن الىندى

كوروناۆيرۋس پاندەمياسى سالدارىنان تۋىنداعان داعدارىس جاھاندىق ەكونوميكانى ءالى ءبىراز تيتىقتىرۋى مۇمكىن. دۇنيەجۇزىلىك بانكتىڭ باس ەكونوميسى كارمەن رەينحارتتىڭ پىكىرىنشە، الەم ەكونوميكاسىن قالپىنا كەلتىرۋ ءۇشىن 5 جىل ۋاقىت قاجەت.  

 «كارانتينگە بايلانىستى قويىلعان شەكتەۋلەر الىنعاننان كەيىن جەدەل قالپىنا كەلۋ پروتسەسى باستالادى، بىراق تولىق قالپىنا كەلتىرۋ ءۇشىن بەس جىلعا جۋىق ۋاقىت قاجەت بولادى»، - دەپ كەلتىردى Reuters كارمەن رەينحارتتىڭ ءسوزىن.

ەكونوميستىڭ  ايتۋىنشا، ىندەتتىڭ تۋدىرعان داعدارىس كەي ەلدەردە ۇزاققا سوزىلىپ، تەڭسىزدىك ماسەلەسى ۋشىعۋى ىقتيمال. سەبەبى داعدارىستان باي ەلدەرگە قاراعاندا كەدەي ەلدەر كوبىرەك زارداپ شەگەدى.

سونداي-اق، مامان داعدارىس سالدارىنان سوڭعى جيىرما 20 جىلدا العاش رەت الەمدەگى كەدەيلىك دەڭگەيىنىڭ ارتاتىنىنا الاڭداۋشىلىق ءبىلدىردى.  

ەسكە سالا كەتەيىك، قازاقستان پرەزيدەنتى قاسىم-جومارت توقاەۆ كوروناۆيرۋس پاندەمياسى الەمدىك رەتسەسسيانىڭ باستالۋىنا سەبەپ بولعانىن ايتقان ەدى. مەملەكەت باسشىسىنىڭ سوزىنشە، الەمدەگى ەڭبەككە جارامدى حالىقتىڭ جارتىسىنا جۋىعىنىڭ تابىسى ورتايعان. 

ال رەسەي پرەزيدەنتى ۆلاديمير ءپۋتيننىڭ پىكىرىنشە, قازىرگى داعدارىس 2008 جىلعى داعدارىستان الدەقايدا كۇردەلى. ويتكەنى پاندەميا الەم ەلدەرىندەگى ىسكەرلىك بەلسەندىلىكتى شەكتەپ وتىر. مۇنىڭ سالدارى ءتىپتى اۋىر بولماق. 

سوڭعى جاڭالىقتار