10 تامىز, 19:53 1044 0 جاڭالىقتار انار لەپەسوۆا

الماتىداعى ناۋرىزباي اۋداندىق سوتىنىڭ توراعاسى قايتىس بولدى

ناۋرىزباي اۋداندىق سوتىنىڭ توراعاسى سەرىكباي تولەپبەرگەنوۆ 53 جاسىندا ومىردەن ءوتتى.

بۇل تۋرالى الماتى قالالىق سوتىنىڭ ءباسپاسوز قىزمەتى حابارلادى.

"كەشە، 9 تامىزدا ناۋرىزباي اۋداندىق سوتىنىڭ توراعاسى تولەپبەرگەنوۆ سەرىكباي الدابەرگەنۇلى كەنەتتەن قايتىس بولدى", – دەدى الماتى قالالىق سوتىنىڭ ءباسپاسوز حاتشىسى اباي جارىلقاسىن.

سونداي-اق تولەپبەرگەنوۆتىڭ كوز جۇمعانى تۋرالى ناۋرىزباي اۋداندىق سوتىنىڭ Facebook جەلىسىندەگى رەسمي پاراقشاسىندا حابارلاندى. قايعىلى جاعدايدىڭ ءمان-جايى ازىرگە بەلگىسىز.

سەرىكباي تولەپبەرگەنوۆ 1967 جىلى 5 تامىزدا قازىرگى تۇركىستان وبلىسى باباي-قورعان اۋىلدىق وكرۋگىندە تۋعان.

1991 جىلى ينجەنەر-مەحانيك ماماندىعى بويىنشا ءبىلىم الىپ، ال 1998 جىلى زاڭگەر ديپلومىن العان. ەڭبەك جولىن سوۆحوزدا جۇمىسشى بولىپ باستاعان.

س.تولەپبەرگەنوۆ ءتۇرلى سالادا ەڭبەك ەتكەن: تاۋارتانۋشى، ينسپەكتور، زاڭگەر، سونداي-اق سۋديا، سوت ورىنداۋشىسى جانە سوت توراعاسى بولعان. ءومىرىنىڭ سوڭعى جىلدارى الماتى قالاسى ناۋرىزباي اۋداندىق سوتىندا قىزمەت ەتتى. ۇيلەنگەن، ارتىندا ءۇش ۇلى قالدى.

سوڭعى جاڭالىقتار