9 تامىز, 15:58 613 0 الەۋمەت انار لەپەسوۆا

جالدامالى باسپانا: ەلوردادا دارىگەرلەر مەن مۇعالىمدەرگە 1 مىڭ پاتەر ۇلەستىرىلەدى

بيىل نۇر-سۇلتاندا مىڭعا جۋىق پاتەر مۇعالىمدەر مەن دارىگەرلەرگە ۇلەستىرىلەدى. تۇرعىن ۇيلەر ساتىپ الۋ قۇقىعىمەن جالعا بەرىلەدى. بۇل تۋرالى شاھار باسشىسى الەۋمەتتىك جەلىدە حابارلادى. 

«قازاقستاندىق يپوتەكالىق كومپانيامەن بىرگە ءبىز بىرقاتار الەۋمەتتىك تۇرعىن ۇيلەردىڭ قۇرىلىسىن جۇرگىزۋدەمىز. بۇل تۇرعىن ۇيلەر ساتىپ الۋ مۇمكىندىگى بار جالدامالى ۇيلەر. قولجەتىمدى باسپانا مۇعالىمدەر مەن دارىگەرلەرگە تاراتىلادى. بيىل بارلىعى 1 000 پاتەر بەرىلەدى»، - دەپ جازدى التاي كولگىنوۆ Instagram پاراقشاسىندا.

اكىمنىڭ ايتۋىنشا، ول اباي مەن شۇعىلانىڭ 150 جىلدىعى، قوسشىعۇلۇلى، تورايعىروۆ، تولەباەۆ پەن شارباقتى كوشەلەرىنىڭ قيىلىسىندا جانە تىلەنديەۆ داڭعىلىندا ورنالاسقان تۇرعىن ءۇي كەشەنىنىڭ قۇرىلىسىمەن تانىستى.

«سونىمەن قاتار، ءبىز كەزەكتە تۇرعاندارعا (حالىقتىڭ الەۋمەتتىك ءالسىز توپتارى), تۇرعىن ءۇي قۇرىلىس جيناق بانكىنىڭ سالىمشىلارىنا تۇرعىن ءۇي سالۋ جۇمىستارىن جۇرگىزەمىز. سونىمەن قاتار ءبىز الداعى جىلدارعا دايىندىق جۇمىستارىن جۇرگىزۋدەمىز»، - دەدى اكىم.

سوڭعى جاڭالىقتار