9 تامىز, 10:52 539 0 ادەبيەت انار لەپەسوۆا

"Abai world challenge": اباي ولەڭدەرىن وقۋدان حالىقاالىق چەللەندج باستالادى

10 تامىزدا ساعات 15.00-دە "Abai world challenge" اتتى اباي ولەڭدەرىن الەم تىلدەرىندە وقۋدان حالىقارالىق چەللەندج باستالادى.

بۇل تۋرالى مادەنيەت جانە سپورت مينيسترلىگى حابارلادى.

قازاقستان رەسپۋبليكاسىنىڭ پرەزيدەنتى قاسىم-جومارت كەمەلۇلى توقاەۆتىڭ تاپسىرماسىنا سايكەس، قر مادەنيەت جانە سپورت مينيسترلىگى ۇلى اقىن، اعارتۋشى، فيلوسوف اباي قۇنانبايۇلىنىڭ 175 جىلدىق مەرەيتويىنا بايلانىستى ۇيىمداستىرىلاتىن ءىس-شارالاردى ونلاين فورماتقا كوشىرۋ تاپسىرىلعان بولاتىن.

وسىعان وراي اقىننىڭ ولەڭدەرى  الەمنىڭ (فرانتسۋز، اعىلشىن، اراب، يسپان، قىتاي، جاپون، نەمىس، يتاليان) بىرنەشە تىلىنە اۋدارىلدى. ءىس-شاراعا الەمنىڭ ءتۇرلى ەلدەرىنەن اباي شىعارماشىلىعىن زەرتتەۋشى عالىمدار، اۋدارماشىلار، جازۋشىلار مەن شىعارماشىلىق ينتەلليگەنتسيا وكىلدەرى، قر توتەنشە جانە وكىلەتتى ەلشىلەرى جانە جالپى جۇرتشىلىق قاتىسادى، دەپ كۇتىلۋدە.

چەللەندج تامىز ايىنىڭ 10 مەن 17 ارالىعىندا ساع.15.00-دە جالعاسادى جانە مينيسترلىكتىڭ YouTube كانالى، Facebook جانە Instagram ت.ب. الەۋمەتتىك جەلىلەرىندەگى پاراقشالارىندا كورسەتىلەدى.

ايتا كەتەيىك، بىلتىر اباي ولەڭدەرىن جاتقا وقۋ ەستافەتاسىن 9 جاسار ءلايلىم-شىراق ەسىمدى وقۋشى پرەزيدەنت قاسىم-جومارت توقاەۆقا جولداعان بولاتىن.

سوڭعى جاڭالىقتار