6 تامىز, 15:04 449 0 نۇر وتان انار لەپەسوۆا

پارتيالىقتار پاۆلودار اۋرۋحانالارىنا 169 وتتەگى كونتسەنتراتورىن تابىستادى

بۇگىن «Nur Otan» باستاۋىش پارتيا ۇيىمىنىڭ توراعاسى «Ertis Business Association» كاسىپكەرلەر قاۋىمداستىعىمەن بىرلەسىپ پاۆلودار وبلىسىنىڭ 16 مەديتسينالىق مەكەمەسىنە 169 وتتەگى كونتسەنتراتىن تابىس ەتتى.

مەديتسينالىق اپپاراتتار «شۇعىلا» رەسپۋبليكالىق قوعامدىق قورى ەسەبىنەن ساتىپ الىندى. قورعا بيزنەس وكىلدەرىنەن، مەتسەناتتاردان، «Nur Otan» پارتياسى مۇشەلەرىنەن، شوۋ بيزنەس جۇلدىزدارىنان جانە قازاقستاننىڭ بەي-جاي قارامايتىن تۇرعىندارىنان اقشالاي قاراجات تۇسەدى. كارانتين كەزىندە قور 4000 وتتەگى كونتسەنتراتورىن ساتىپ الدى، ونىڭ 240-ى پاۆلودار وبلىسىنا جىبەرىلدى.

- «شۇعىلا» قوعامدىق قورى مەن ءوڭىر كاسىپكەرلەرىنىڭ قولداۋىمەن ءبىز كەزەكتى رەت مەديتسينالىق مەكەمەلەرگە كومەك كورسەتە الدىق. بۇگىن بىزگە 169 وتتەگى كونتسەنتراتورى جەتكىزىلدى، ولار كۇنى بويى ءوڭىردىڭ بارلىق اۋرۋحانالارىنا تاراتىلادى، - دەپ اتاپ ءوتتى «SanTehPlast» باستاۋىش پارتيا ۇيىمىنىڭ توراعاسى باۋىرجان بەكمۋرزاەۆ.

- بۇعان دەيىن ءبىز 40 وتتەگى كونتسەنتراتىن قابىلداپ، دەنساۋلىق ساقتاۋ باسقارماسىمەن بىرگە وبلىستىڭ 10 مەديتسينالىق مەكەمەسىنە جەتكىزدىك. جاقىن ارادا جەتكىزۋدىڭ 3 پارتياسى كۇتىلۋدە.

قور مەن پارتيالىقتاردىڭ باستاماسىن «Ertis Business Association» كاسىپكەرلەر قاۋىمداستىعىنىڭ وكىلدەرى قولدادى، ولار اقشالاي قاراجات تۇرىندە كومەك كورسەتتى جانە جۇكتى قابىلداۋ مەن بولۋگە جەكە قاتىستى.

- «شۇعىلا» قورىنا جانە يگى ىسكە بەلسەنە قاتىسقان بارلىق كاسىپكەرلەرگە العىسىمدى بىلدىرگىم كەلەدى. ءبىز كونتسەنتراتورلار جۇگىنىڭ ەكى جەتكىزۋدىن جۇزەگە اسىردىق، تامىز ايىنىڭ سوڭىندا  مەديتسينالىق اپپاراتتىن ءۇشىنشى جەتكىزىلۋىن كۇتەمىز، - دەدى «Ertis Business Association» كاسىپكەرلەر قاۋىمداستىعىنىڭ باسشىسى نۇربول شىلدەباەۆ.

9 وتتەگى كونتسەنتراتورى وبلىستىق كارديولوگيالىق ورتالىققا جىبەرىلدى. كارديولوگيالىق ورتالىقتىڭ اعا مەدبيكەسى بەينەگۇل امانجولوۆا «شۇعىلا» قوعامدىق قورىنا، «Nur Otan» پارتياسىنا جانە كاسىپكەرلەرگە كورسەتكەن كومەكتەرىنە زور العىسىن ءبىلدىردى.

سوڭعى جاڭالىقتار