6 تامىز, 12:57 441 0 نۇر وتان انار لەپەسوۆا

«Nur Otan» جالعىزباستى قارياعا قول ۇشىن سوزدى

گالينا ۆارفولومەەۆا 77 جاستا، 2-ءشى توپتاعى مۇگەدەك. الماتى قالاسىندا 1961 جىلدان بەرى تۇرادى. قۇداي قوسقان قوساعى 2000 جىلى قايتىس بولعاننان بەرى جالعىز تۇرىپ كەلەدى. 30 شىلدەدە «كاراۆان» گازەتىندە زەينەتكەر گالينا ۆارفولومەەۆانىڭ قازىرگى قيىن جاعدايى تۋرالى اقپارات شىقتى. بۇل جاڭالىققا بەي-جاي قاراماعان «Nur Otan» پارتياسى مۇشەلەرى بىردەن ءۇن قاتتى.

«Nur Otan» پارتياسىنىڭ مۇشەسى اسقار بىلىسبەكوۆ گالينا الەكسەەۆنانى تۇرعىلىقتى جەرى بويىنشا ىزدەپ بارىپ، جاعدايىمەن تانىستى. زەينەتكەردىڭ №3 قالالىق ەمحانادا ونكولوگيالىق ىندەتتەن ەمدەلىپ جاتقانى، سونداي-اق جوندەۋ جۇمىستارىن قاجەت ەتەتىن ەسكى ۇيدە تۇراتىنى انىقتالدى.

پارتيا مۇشەسى تۇرعىن ءۇيدى جوندەۋدى ءوز موينىنا الدى: جىلى ەدەن توسەپ، سۋ قۇبىرىن وتكىزدى جانە ءۇيدىڭ شاتىرىن اۋىستىرۋعا كومەكتەستى. سونىمەن قاتار، كاسىپكەر ءوز قاراجاتى ەسەبىنەن گ.ۆارفولومەەۆاعا 100 000 تەڭگە تابىستادى.

«ءبىز بىردەن قارياعا كەلىپ، ءۇي-جايىنىڭ جاعدايىن قاراپ شىقتىق. ءبىرىنشى بولىپ سۋ قۇبىرىن وتكىزۋ ماسەلەسى تۇردى. الايدا شاتىردىڭ دا ابدەن توزىعى جەتكەنىن كورگەندە، ءبىز «Exclusive Qurylys» سەرىكتەستەرىمەن بىرگە كومەكتەسۋگە شەشىم قابىلدادىق. جەدەل ارەكەتتىڭ ارقاسىندا بارلىق جۇمىستار ەكى-ءۇش كۇندە اياقتالدى»، – دەدى اسقار بىلىسبەكوۆ.

بۇدان بولەك، «Nur Otan» پارتياسى الماتى قالالىق فيليالىنىڭ پارتيالىق باقىلاۋ كوميسسياسىنىڭ مۇشەسى باقىتبەك جۇمابەكوۆ 6 ءتۇرلى ازىق-تۇلىگى بار سەبەتتى تابىستادى.

«مەن بۇعان دەيىن ەشكىمنەن كومەك سۇراپ كورمەپپىن. ارقاشان ءبارىن ءوزىم جاسادىم. بىراق كارىلىك دەگەن وسى ەكەن، زەينەتاقىم دا از. كوپ نارسەگە قاراجاتىڭ جەتىسپەيدى. قيىن ساتتە تەز جاۋاپ بەرىپ، جىلى ءۇي تۋرالى ارمانىمدى ورىنداعاندارى ءۇشىن «Nur Otan» پارتياسى مۇشەلەرىنە ۇلكەن العىسىمدى بىلدىرەمىن»، – دەدى گالينا ۆارفولومەەۆا.

 

سوڭعى جاڭالىقتار