6 تامىز, 11:06 648 0 جاڭالىقتار انار لەپەسوۆا

الماتىدا كوروناۆيرۋس جۇقتىرماعانىن راستايتىن جالعان انىقتامالار ساتقان دارىگەر ۇستالدى

الماتىدا دارىگەرلەر كوروناۆيرۋس جۇقتىرماعانىن راستايتىن انىقتامانى 25 مىڭ تەڭگەگە ساتقان. بۇل تۋرالى قر قارجى مينيسترلىگى قارجى مونيتورينگى كوميتەتىنىڭ ءباسپاسوز قىزمەتى حابارلادى. 

جەدەل-ىزدەستىرۋ ءىس-شارالارىن جۇرگىزۋ بارىسىندا قر قارجى مينيسترلىگى قارجى مونيتورينگى كوميتەتىنىڭ الماتى وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى پتر-تەستىنە تەرىس ناتيجە كورسەتىلگەن جالعان انىقتامالاردى بەرۋ فاكتىسىن انىقتادى.

قابىلدانعان شارالار ناتيجەسىندە «Covid-19»-عا پتر تەرىس ناتيجەسى كورسەتىلگەن انىقتامانى بەرۋ ءۇشىن 25 000 تەڭگە كولەمىندە اقشالاي سىياقى الۋ كەزىندە 1984 جىلى تۋعان مەديتسينا قىزمەتكەرى ۇستالدى.

«جاۋاپ الۋ بارىسىندا الماتى وبلىسىنىڭ تۇرعىنى ماۋسىم ايىنان باستاپ قازىرگى ۋاقىتقا دەيىن 12-گە جۋىق وسىنداي انىقتاما ۇسىنعانىن حابارلادى. قازىرگى ۋاقىتتا اتالعان فاكتى بويىنشا سوتقا دەيىنگى تەرگەۋ ءىسى قوزعالدى»،-دەپ حابارلادى قر قارجى مينيسترلىگى قارجى مونيتورينگى كوميتەتىنىڭ ءباسپاسوز قىزمەتى.

 

سوڭعى جاڭالىقتار