6 تامىز, 09:23 600 0 جاڭالىقتار انار لەپەسوۆا

اتىراۋدان شىمكەنتكە جولاۋشى اپارماق بولعان 5 اۆتوبۋس جۇرگىزۋشىسى جازالاندى

اتىراۋ وبلىسىندا 1378 ادام كارانتين رەجيمىن بۇزعان. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى. 

5 شىلدەدەن بەرى جۇرگىزىلگەن رەيد شارالارى كەزىندە 1378 كارانتين رەجيمى تالاپتارىنىڭ بۇزىلۋى انىقتالعان. ونىڭ 700-گە جۋىعى اتىراۋ قالاسىندا تىركەلگەن. سونداي-اق، قىزىلقوعا اۋدانىنىڭ ساعىز اۋىلىنىڭ ءبىر تۇرعىنى، جىلىوي اۋدانىنىڭ ورتالىعى –قۇلسارى قالاسىنىڭ ەكى تۇرعىنى توي وتكىزگەن. كارانتين تالابىن بۇزعاندار اراسىندا قالالارالىق جولاۋشىلاردى تاسىمالداۋمەن اينالىسقان اۆتوبۋس جۇرگىزۋشىلەرى دە بار.

«4 تامىزدا ساعات 19.30 شاماسىندا پوليتسەيلەر «اتىراۋ-ورال» تاس جولىنىڭ 9-شاقىرىمىندا جولاۋشىلار تاسىمالدايتىن اۆتوبۋستى توقتاتتى. تۇركىستان وبلىسىنىڭ 36 جاستاعى تۇرعىنىنىڭ ءوزى باسقاراتىن اۆتوبۋسپەن «اتىراۋ-شىمكەنت» باعىتىمەن 30 جولاۋشىمەن جولعا شىققانى انىقتالدى. كارانتين رەجيمىن بۇزعان جۇرگىزۋشىگە قاتىستى ءتيىستى شەشىم قابىلداۋ ءۇشىن اتىراۋ قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولدانۋ ءۇشىن ءىس-قۇجاتتار جيناقتالدى. ال، جۇرگىزۋشى مەن جولاۋشىلارى اتىراۋعا قايتارىلعان بولاتىن. الايدا، ارادا بىرنەشە ساعات وتكەن سوڭ، اتالعان جۇرگىزۋشى ءتۇن ىشىندە جولاۋشىلارمەن شىمكەنتكە بارۋ ءۇشىن تاعى دا جولعا شىققانى بەلگىلى بولدى. جۇرگىزۋشىگە قاتىستى قر اكىمشىلىك قۇقىق بۇزۋشىلىق تۋرالى كودەكستىڭ 667-بابىمەن (قۇقىق قورعاۋ ورگانى قىزمەتكەرىنىڭ زاڭدى تالابىنا باعىنباۋ) اكىمشىلىك حاتتاما راسىمدەلىپ، مامانداندىرىلعان سوتقا جولداندى» -دەپ دەپارتامەنتتىڭ ءباسپاسوز قىزمەتى.

سول كۇنى تاڭ الدىندا اتىراۋ قالاسىنا كىرەبەرىستە «شىمكەنت-اتىراۋ» باعىتىمەن 26 جولاۋشىنى اكەلە جاتقان تاعى ءبىر اۆتوبۋس انىقتالىپ، توقتاتىلعان. كولىك جۇرگىزۋشىسىنە قاتىستى جيناقتالعان قۇجاتتار اتىراۋ قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولداندى.

اتىراۋ وبلىسىندا كارانتين رەجيمى ەنگىزىلگەن 5 شىلدەدەن بەرى قالاارالىق جولاۋشىلار تاسىمالداعان 5 اۆتوبۋس انىقتالعان. بۇلاردىڭ بارلىعى دا اتىراۋدان شىمكەنت قالاسىنا جولاۋشىلار اپارماقشى بولعان.

 

سوڭعى جاڭالىقتار