5 تامىز, 21:49 1331 0 جاڭالىقتار انار لەپەسوۆا

"قازاقستاننىڭ ۇلتتىق اگروونەركاسىپ پالاتاسىنىڭ" ۆيتسە-پرەزيدەنتى تاعايىندالدى

"قازاقستاننىڭ ۇلتتىق اگروونەركاسىپ پالاتاسى" زاڭدى تۇلعالار مەن جەكە كاسىپكەرلەر قاۋىمداستىعى ورتالىق كەڭەستىڭ توراعاسى يگباەۆ اسىلحان جۇمايبايۇلى ۇسىنىسى بويىنشا "قازاقستاننىڭ ۇلتتىق اگروونەركاسىپتىك پالاتاسى" پرەزيدەنتىنىڭ مىندەتىن اتقارۋشى بولىپ ابۋباكىروۆ سەرىك ابدۋلاحمەتۇلى، ال قاۋىمداستىقتىڭ قوعاممەن بايلانىس جونىندەگى ۆيتسە-پرەزيدەنتى لاۋازىمىنا اقان تولقىن تاعايىندالدى.

سەرىك ابۋباكىروۆ ءىىم ەسىرتكى بيزنەسىمەن كۇرەس جونىندەگى كوميتەتىنىڭ باستىعى، "قازاقستاننىڭ ۇلتتىق اگروونەركاسىپتىك پالاتاسى" زاڭدى تۇلعالار مەن جەكە كاسىپكەرلەر قاۋىمداستىعىنىڭ ءبىرىنشى ۆيتسە-پرەزيدەنتى قىزمەتتەرىن اتقاردى.

اقان تولقىن 20 جىل بويى قىتاي رەسپۋبليكاسىندا كلينيكادا دارىگەر جانە ديسپانسەر مەڭگەرۋشىسى بولدى.

2009 جىلدان باستاپ قازاقستان رەسپۋبليكاسى استانا قالاسىندا "باككەلدى-2012" جشس ديرەكتورى جانە باس دارىگەرى بولىپ قىزمەت اتقاردى.  2013 جىلدان باستاپ حالىقارالىق ەكولوگيا اكادەمياسىنىڭ اكادەميگى.

ايتا كەتەيىك، "قازاقستاننىڭ ۇلتتىق اگروونەركاسىپ پالاتاسى "(نپپك) 2009 جىلدىڭ قىركۇيەگىندە فەرمەرلىك قوعامدىق بىرلەستىكتەر قاۋىمداستىعى مەن "قازاقستاننىڭ اگروسويۋزى" ۇيىمى نەگىزىندە قۇرىلدى. قاۋىمداستىقتىڭ باستى ماقساتى - پالاتا مۇشەلەرىنىڭ قۇقىقتارى مەن مۇددەلەرىن قورعاۋ، ورتالىق، جەرگىلىكتى اتقارۋشى ورگاندار مەن اگروبيزنەس اراسىندا ديالوگ ۇيىمداستىرۋ، اگروونەركاسىپتىك كەشەن سالاسىنداعى بىرىڭعاي ءىس-قيمىل ستراتەگياسىن ازىرلەۋ.

سوڭعى جاڭالىقتار