5 تامىز, 09:02 510 0 جاڭالىقتار اسىل تۇمار

ليۆانداعى جارىلىس سالدارىنان قازاقستان كونسۋلى جاراقات الدى

سۋرەت عالامتوردان الىندى
سۋرەت عالامتوردان الىندى

ليۆانداعى جارىلىس سالدارىنان قازاقستاننىڭ ديپلوماتيالىق ميسسياسى عيماراتىنا زيان كەلدى. بۇل تۋرالى ءسىم حابارلادى.

«جارىلىس كەزىندە ديپلوماتيالىق ميسسيانىڭ قىزمەتكەرلەرى جۇمىس كۇنى اياقتالعاننان كەيىن جۇمىس ورنىنان كەتىپ قالعان. كونسۋل جۇمىستا قالعان بولاتىن جانە جارىلىس تولقىنى سالدارىنان جەڭىل جاراقات الدى»، – دەلىنگەن حابارلامادا.

ءبىزدىڭ ديپلوماتتار جەرگىلىكتى بيلىك ورگاندارىمەن جەدەل بايلانىستا، ليۆانداعى قازاقستان رەسپۋبليكاسى ازاماتتارىنىڭ جاعدايى تۋرالى اقپارات تەكسەرىلۋدە.

ايتا كەتەيىك، بۇعان دەيىن ليۆان استاناسى بەيرۋت قالاسىندا جويقىن جارىلىس بولىپ, جاراقات العاندار سانى 2500-دەن اسقانىن جازعان بولاتىنبىز.

سوڭعى جاڭالىقتار