4 تامىز, 18:07 565 0 جاڭالىقتار اسىل تۇمار

جامبىل وبلىسىندا سپورتشىلار كولىگى اپاتقا ۇشىراپ، ءۇش ادام قايتىس بولدى

سۋرەت عالامتوردان الىندى
سۋرەت عالامتوردان الىندى

جامبىل وبلىسىندا جول اپاتى ورىن الىپ، ءۇش ادام قايتىس بولدى، ەكەۋى جانساقتاۋ بولىمىندە جاتىر. جول اپاتى 3 تامىزدا ساعات 06:40 شاماسىندا «باتىس ەۋروپا – باتىس قىتاي» رەسپۋبليكالىق جولدىڭ 193-شاقىرىمىندا بولعان.

«مازدا-323» ماركالى كولىك الماتى قالاسىنان تاراز قالاسىنا بارا جاتقان. 21 جاستاعى جۇرگىزۋشىسى تىزگىنگە يە بولا الماي كولىك جولدىڭ وڭ جاق جيەگىنە شىعىپ، اۋدارىلىپ كەتكەن. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.

«جول-كولىك وقيعاسى سالدارىنان ەكى جولاۋشى وقيعا ورنىندا كوز جۇمدى. ولاردىڭ ءبىرى ەركىن كۇرەستەن سپورت شەبەرلىگىنە ۇمىتكەر. قورداي اۋدانىنىڭ ورتالىق اۋرۋحاناسىنا ءتۇرلى دەنە جاراقاتىمەن ءۇش ەر ادام جاتقىزىلدى، كەلەسى كۇنى اۋرۋحانادا 24 جاستاعى ەركىن كۇرەستەن سپورت شەبەرى قايتىس بولدى»، – دەلىنگەن ۆەدومستۆو حابارلاماسىندا.

اتالعان دەرەككە قاتىستى قر قك 345-بابىنىڭ 4-بولىگى بويىنشا سوتقا دەيىنگى تەرگەۋ امالى باستالدى. سونداي-اق، سوت-مەديتسينالىق جانە كولىك قۇرالىنىڭ تەحنيكالىق جاعدايىن زەرتتەۋ ساراپتاماسى تاعايىندالعان.

سوڭعى جاڭالىقتار