4 تامىز, 16:26 482 0 جاڭالىقتار اسىل تۇمار

«Nur Otan» پارتياسى فۋتبول ستاديونى قۇرىلىسىنىڭ بارىسىنا مونيتورينگ جۇرگىزدى

پاۆلودار وبلىستىق فيليال توراعاسى، وبلىس اكىمى ابىلقايىر سقاقوۆتىڭ تاپسىرماسى بويىنشا «اۋىل – ەل بەسىگى» جوباسىن جۇزەگە اسىرۋ اياسىندا وبلىستىق فيليالدىڭ پارتيالىق باقىلاۋ كوميسسياسىنىڭ مۇشەلەرى شارباقتى اۋدانى شارباقتى اۋىلىندا فۋتبول ستاديونى قۇرىلىسىنىڭ بارىسىنا مونيتورينگ جۇرگىزدى.

مونيتورينگ توبىنىڭ قۇرامىنا وبلىستىق فيليالدىڭ پارتيالىق باقىلاۋ كوميسسياسىنىڭ توراعاسى ولەگ كوستەنكو، وبلىستىق ءماسليحاتتىڭ دەپۋتاتى گۇلميرا نۇرحانوۆا، قالالىق فيليالدىڭ پبك توراعاسىنىڭ ورىنباسارى ۆيكتور پرياحين جانە پبك مۇشەلەرى حودجا قۇسايىنوۆ جانە باۋىرجان بەكمۋرزاەۆ كىردى.

بۇگىنگى تاڭدا كولەمى 90ح60 مەتر جاساندى جابىنى بار فۋتبول الاڭىن ورناتۋ، ستاديوندى قورشاۋ جانە جارىقتاندىرۋدى مونتاجداۋ جۇمىستارى اياقتالدى. جۇمىستى «دۋەت ست» جشس مەردىگەرلىك ۇيىمى جۇرگىزەدى. ءبىرىنشى كەزەكتەگى ستاديوننىڭ قۇرىلىسىنا 85,168 ملن تەڭگە ءبولىندى.

بۇل نىساندا ەكىنشى كەزەك بويىنشا حوككەي كورتىن، تريبۋنا، جۇگىرۋ جولىن، كيىم اۋىستىراتىن ورىن، ۆولەيبول جانە بالالار الاڭدارىن سالۋ جوسپارلانۋدا. ەكىنشى كەزەكتەگى قۇرىلىستىڭ سمەتالىق قۇنى 102,900 ملن.تەڭگە، مەرزىمى 3 اي.

پارتيالىق باقىلاۋ كوميسسياسىنىڭ مۇشەلەرى مەردىگەرلىك ۇيىمنىڭ جۇمىسىمەن تانىسىپ، قامتۋ جانە جارىقتاندىرۋ ساپاسىن تەكسەردى.

– سپورتتىق ستاديوندار، اسىرەسە اۋدان ورتالىعى ءۇشىن وتە قاجەت. بالالار ساپالى الاڭدا ويناۋى كەرەك. بىراق ساپا بويىنشا بىزدە سۇراقتار بار. مىسالى، ءبىزدىڭ ويىمىزشا، تارتان جابىنى تىم جوعارى فراكتسيا. ۇگىندىلەردىڭ اراسىندا ۇلكەن بولىكتەر بار. سونداي - اق، اۋىتقۋلار، ويىقتار بار، – دەدى ۆيكتور پرياحين.

«دۋەت ست» جشس مەردىگەرلىك ۇيىمىنىڭ وكىلدەرى پارتيالىق باقىلاۋ كوميسسياسى مۇشەلەرىنىڭ بارلىق ەسكەرتۋلەرىن نازارعا الدى. پارتيالىق باقىلاۋ كوميسسياسى مۇشەلەرىنىڭ بارلىق ۇسىنىستارى مەن ەسكەرتۋلەرى قۇزىرەتتى ورگاندارعا بەرىلەتىن بولادى.

– شارباقتى اۋىلىندا ستاديون جوق. حالىق ءۇشىن اۋداندىق جارىستار اۋىل مەكتەپتەرىنىڭ سپورت الاڭدارىندا وتكىزىلەدى. ءبىز قالادان جاقسى جاتتىقتىرۋشىنى شاقىردىق. ول بەس فۋتبول توبىن جينادى. ءبىزدىڭ بالالار فۋتبول ستاديونىنىڭ قۇرىلىسىن اياقتاۋدى قۋانا كۇتۋدە، – دەدى اۋدان اكىمىنىڭ ورىنباسارى ريزاگۇل نەعمانوۆا.

سونداي-اق، «Nur Otan» پارتياسى پاۆلودار وبلىستىق فيليالىنىڭ پارتيالىق باقىلاۋ كوميسسياسىنىڭ مۇشەلەرى شارباقتى اۋدانىنىڭ پروۆيزورلىق گوسپيتالىنە 5 وتتەگى كونتسەنتراتىن تابىس ەتتى.

مەديتسينالىق جابدىقتى «جاڭا پاۆلودار» قوعامدىق قورى ساتىپ الدى، ونىڭ ماقساتى كوروناۆيرۋستىق ينفەكتسيانىڭ تارالۋىن بولدىرماۋ بولىپ تابىلادى.

– بۇل اپپاراتتار وتە سۇرانىسقا يە، اسىرەسە قازىر. قور 16 مەديتسينالىق مەكەمە ءۇشىن بارلىعى 300 وتتەگى كونتسەنتراتورىن ساتىپ الدى. ءبىزدىڭ مىندەتىمىز – كومەكتىڭ اۋداندار مەن قالالار بويىنشا تەپە-تەڭ بولىنگەنىنە كوز جەتكىزۋ، – دەدى وبلىستىق فيليالدىڭ پارتيالىق باقىلاۋ كوميسسياسىنىڭ توراعاسى ولەگ كوستەنكو.

26 ماۋسىمنان باستاپ اۋداندىق اۋرۋحانا بازاسىندا پروۆيزورلىق ستاتسيوناردىڭ 150 توسەگى ورنالاستىرىلدى. بارلىعى 321 ناۋقاس اۋرۋحاناعا جاتقىزىلدى، ونىڭ 285-ءى ساۋىعىپ شىقتى.

– شىلدە ايىنىڭ ورتاسىندا اۋرۋحانادا ءبىر ۋاقىتتا 138 ناۋقاس ەم العان بولسا، بۇگىنگى تاڭدا پروۆيزورلىق ستاتسيوناردا 36 ادام ەمدەلۋدە. قازىرگى ۋاقىتتا پنەۆمونيامەن سىرقاتتانۋشىلىقتىڭ تومەندەپ، جاعدايدىڭ تۇراقتانعانى بايقالادى. بۇل كارانتين بويىنشا قابىلدانعان بارلىق شارالاردىڭ ناتيجەسى، – دەدى اۋداندىق اۋرۋحانانىڭ باس دارىگەرى باقىت قاسىموۆا.

مەديتسينالىق مەكەمەنىڭ جوسپارىندا اۋرۋحانا عيماراتىن قايتا جانداندىرۋ، زاماناۋي يۆل اپپاراتى مەن رەانيماتسيالىق اۆتوكولىك ساتىپ الۋ بار.

– وبلىس كاسىپكەرلەرى مەن «Nur Otan» پارتياسىنا ۇلكەن راحمەت ايتقىم كەلەدى. پاندەميا الەمنىڭ جاقسى ادامدارعا تولى ەكەنىن كورسەتتى. بۇل قۇرىلعىلار پاتسيەنتتەردىڭ ءومىرىن قۇتقارۋعا قىزمەت ەتەتىنىنە سەنىمدى بولىڭىزدار، – دەدى انەستەزيولوگ-رەانيماتولوگ پەتر ليامكين.

سوڭعى جاڭالىقتار