3 تامىز, 20:50 1720 0 زاڭ انار لەپەسوۆا

ورالدا 6 جاسار قىزدى الىپ كەتپەك بولعان ەر ادام ۇستالدى

ورال قالاسىندا كوكتەم شاعىناۋدانىنداعى مۇرات موڭكەۇلى كوشەسىندە كوپقاباتتى ۇيلەردىڭ ءبىرىنىڭ اۋلاسىندا ويناپ جۇرگەن 6 جاسار قىزدى بوتەن ەر ادام الدەقايدا الىپ كەتپەك بولعاندا قولعا ءتۇستى.

بۇل تۋرالى باتىس قازاقستان وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.

وقيعا 2 تامىز كۇنى قاراڭعى تۇسە، كەشكى ساعات 21.30.-داردا بولعان. م.موڭكەۇلى كوشەسىندەگى 113 ءۇيدىڭ الدىندا ويناپ جۇرگەن بالالارعا جاقىنداعان ەر ادام كىشكەنتاي قىزدى بەلگىسىز باعىتقا الىپ كەتپەك بولعان. كوپقاباتتى ءۇيدىڭ كىرەبەرىسىندە ورناتىلعان باقىلاۋ كامەراسىنا تۇسكەن بەينەجازباعا قاراعاندا، قىزدى سول جەردەگى كورشىلەر قۇتقارىپ قالعان.

قىزدىڭ اناسىنىڭ شاعىمى زاچاگانسك پوليتسيا بولىمىندە تىركەلگەن. كۇدىكتى ەر ادام انىقتالىپ، قاماۋعا الىنعان. 1965 جىلعى ەر ادام «ورتا دارەجەدە» ماس بولعان. قازىر وقيعانىڭ جاي-جاپسارى تەكسەرىلۋدە.

سوڭعى جاڭالىقتار