3 تامىز, 17:23 1483 0 ساياسات انار لەپەسوۆا

ىشكى ىستەر ءمينيسترىنىڭ ورىنباسارى تاعايىندالدى

مەملەكەت باسشىسىنىڭ وكىمىمەن ساكەن سەيتجاپپارۇلى سارسەنوۆ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى قىزمەتىنە تاعايىندالدى، دەپ حابارلايدى اقوردانىڭ ءباسپاسوز قىزمەتى. 

ساكەن سەيىتجاپپارۇلى 1977 جىلى 2 اقپاندا شىمكەنت وبلىسىندا دۇنيەگە كەلدى. ماسكەۋ مەملەكەتتىك اۆياتسيالىق ينستيتۋتىن بىتىرگەن، «اقپارات وڭدەۋ جانە باسقارۋدىڭ اۆتوماتتاندىرىلعان جۇيەسى» ماماندىعى بويىنشا ينجەنەر.

ءار جىلدارى قازاقستان رەسپۋبليكاسى كولىك جانە كوممۋنيكاتسيا مينيسترلىگىندە جۇمىس ىستەگەن، قازاقستان رەسپۋبليكاسى راديوجيىلىك سپەكترىن پايدالانۋدى باقىلاۋ ماسەلەسىمەن اينالىستى، قازاقستان رەسپۋبليكاسى قارجى مينيسترلىگى «قارجىلىق جۇيەلەردى اقپاراتتاندىرۋ ورتالىعى» رمك اقپاراتتى قورعاۋدى ۇيىمداستىرۋ ءبولىمىنىڭ مەڭگەرۋشىسى بولىپ جۇمىس ىستەدى.

2003 جىلى «ۇلتتىق اقپاراتتىق تەحنولوگيالار» اق باسقارما توراعاسىنىڭ ورىنباسارى قىزمەتىنە تاعايىندالدى. 2008 جىلدىڭ ءساۋىر ايىنان 2009 جىلدىڭ قازان ايىنا دەيىن «قازاقتەلەكوم» اق ەلەكتروندىق قىزمەتتەر بويىنشا باسقارۋشى ديرەكتورى لاۋازىمىن اتقاردى. 2009 جىلدىڭ قازان ايىنان 2010 جىلدىڭ 30 ناۋرىزىنا دەيىن قر باس پروكۋراتۋراسى قۇقىقتىق ستاتيستيكا جانە ارناۋلى ەسەپ جونىندەگى كوميتەتى توراعاسىنىڭ ورىنباسارى قىزمەتىن اتقاردى. 2010 جىلدىڭ ءساۋىر ايىنان 2012 جىلدىڭ قاڭتار ايىنا دەيىن قر بايلانىس جانە اقپارات ۆيتسە-ءمينيسترى لاۋازىمىن اتقاردى. 2012-2014 جىلدارى قر كولىك جانە كوممۋنيكاتسيا ۆيتسە-ءمينيسترى قىزمەتىندە بولدى. سونىمەن قاتار قر بايلانىس جانە اقپارات اگەنتتىگى توراعاسىنىڭ ءبىرىنشى ورىنباسارى (09.04.2014-13.08.2014); قر ينۆەستيتسيالار جانە دامۋ مينيسترلىگىنىڭ اقپاراتتاندىرۋ جانە اقپارات كوميتەتىنىڭ توراعاسى (08.2014 باستاپ) لاۋازىمدارىن اتقاردى. 2016-2017 جىلدارى قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-ءمينيسترى بولعان.

2017 جىلدىڭ اقپانىنان 2020 جىلعا دەيىن «قازپوشتا» اق باسقارما توراعاسى بولدى.

 

سوڭعى جاڭالىقتار