3 تامىز, 16:55 623 0 الەۋمەت انار لەپەسوۆا

2,1 ملن قازاقستاندىققا 42 500 تەڭگە تولەندى

سۋرەت عالامتوردان الىندى
سۋرەت عالامتوردان الىندى

3 تامىز ساعات 15.00-دەگى جاعداي بويىنشا اعىمداعى جىلدىڭ شىلدە ايىندا شەكتەۋ شارالارىن ەنگىزۋگە بايلانىستى تابىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان (بۇدان ءارى – ماسق) ەڭ تومەنگى جالاقى – 42 500 تەڭگە مولشەرىندە بىرجولعى تولەم تاعايىنداۋعا ازاماتتاردان 2,4 ملن بىرەگەي ءوتىنىش قابىلداندى. تولەم 2 ملن 140 مىڭ ادامعا تاعايىندالدى. اقشالاي قاراجات 2,1 ملن قازاقستاندىققا اۋدارىلدى.

بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى.

ماسق-تان تولەم الۋعا وتىنىمدەر بىرنەشە ارنالار ارقىلى قابىلدانادى.

2,4 ملن ءوتىنىمنىڭ ىشىندە:

– 833,8 مىڭ ادام پرواكتيۆتى فورماتتا تولەم تاعايىنداۋعا كەلىسىم بەردى;

– 604,4 مىڭ ادام eGov.kz پورتالى جانە telegram-بوتتار ارقىلى;

– 342,8 مىڭ ادام 42500.enbek.kz پورتالى ارقىلى;

– 625,2 مىڭ ادام ەكىنشى دەڭگەيدەگى بانكتەردىڭ موبيلدىك قوسىمشالارى مەن ينتەرنەت-رەسۋرستارى ارقىلى ءوتىنىش بەرگەن.

ازاماتتاردىڭ ساناتتارى بولىنىسىندە:

– 833,8 مىڭ ءوتىنىش بىرىڭعاي جيىنتىق تولەم تولەۋشىلەردەن بەرىلدى (پرواكتيۆتى فورماتتا);

– 202,8 مىڭ ءوتىنىشتى جالدامالى قىزمەتكەرلەرى ءۇشىن جۇمىس بەرۋشىلەر بەردى;

– 1 ملن 369,6 مىڭ ءوتىنىش ازاماتتاردىڭ باسقا ساناتتارىنان كەلىپ ءتۇستى (جەكە كاسىپكەرلەر; جەكە پراكتيكامەن اينالىساتىن ادامدار; ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالار).

تولەم 2 ملن 140 مىڭ ادامعا تاعايىندالدى. اقشالاي قاراجات 2,1 ملن قازاقستاندىققا اۋدارىلدى.

 

سوڭعى جاڭالىقتار