3 تامىز, 15:35 545 0 قوعام انار لەپەسوۆا

نۇر-سۇلتاندا حالىققا قىزمەت كورسەتۋ ورتالىقتارىنىڭ جۇمىس كەستەسى وزگەردى

نۇر-سۇلتان قالاسىنىڭ باس سانيتارلىق دارىگەرى جاننا پراليەۆانىڭ شەشىمىمەن ەلوردالىق حقو-لاردىڭ جۇمىس كەستەسى وزگەردى.

بۇل تۋرالى «ازاماتتارعا ارنالعان ۇكىمەت» مك» نۇر-سۇلتان قالاسى بويىنشا فيليالىنىڭ ءباسپاسوز قىزمەتى حابارلادى.

بۇگىننەن باستاپ نۇر-سۇلتان قالاسىنداعى حقو-لار قىزمەت الۋشىلاردى جۇمىس كۇندەرى 09.00-دەن 17.00-گە دەيىن قابىلدايدى. ال مامانداندىرىلعان حقو سەنبى كۇنى قوسىمشا 09.00-دەن 16.00-گە دەيىن جۇمىس ىستەيتىن بولادى.

جاڭا جۇمىس ۋاقىتىنا بايلانىستى حقو-عا كەزەكتى 16.30-عا دەيىن (اۆتو حقو-عا سەنبى كۇنى 15.30-عا دەيىن) برونداۋ قاجەت. قىزمەت الۋشىلار حقو-عا كەلۋىن egov.kz پورتالىنداعى ارنايى سەرۆيس، eGovKzBot2.0 تەلەگرام-بوتى جانە 1414 ءنومىرى ارقىلى برونداي الادى.

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بولىمدەرىندە سانيتارلىق-ەپيدەميولوگيالىق، الەۋمەتتىك قاشىقتىق جانە بەتپەردە ءتارتىبى قاتاڭ ساقتالعان. الايدا قىزمەت الۋشىلار وزدەرىن جايسىز سەزىنىپ نەمەسە سىرقات بەلگىلەرىن بايقاسا، حقو-عا بارۋدان باس تارتقانى ءجون. قىزمەت الۋشى ازاماتتار ارنايى مەديتسينالىق بەتپەردە تاعىپ، الەۋمەتتىك اراقاشىقتىقتى ساقتاۋى قاجەت.

 

سوڭعى جاڭالىقتار