3 تامىز, 11:52 462 0 دەنساۋلىق انار لەپەسوۆا

قازاقستاندا كوروناۆيرۋس جۇقتىرعانداردىڭ 67 پايىزى ەمدەلىپ شىقتى – مينيستر

ەلىمىزدە كوروناۆيرۋستان ەمدەلىپ شىققاندار سانى ارتىپ، ەپيدەميولوگيالىق احۋال تۇراقتالدى. بۇل تۋرالى دەنساۋلىق ساقتاۋ ءمينيسترى الەكسەي تسوي مالىمدەدى. 

«بۇگىنگى تاڭدا رەسپۋبليكادا كوروناۆيرۋس ينفەكتسياسىن جۇقتىرۋدىڭ 92 262 جاعدايى تىركەلدى. ءيا، بۇل سان ۇرەي تۋدىرۋى مۇمكىن. الايدا ولاردىڭ 67 پايىزدان استامى اۋرۋدان ساۋىعىپ شىقتى. مۇنداي جاعىمدى كورسەتكىشتەر باياۋ بولسا دا ءوسىپ كەلەدى. جاعداي باتىس قازاقستان، الماتى، تۇركىستان، قوستاناي، اقمولا جانە ماڭعىستاۋ وبلىستارىندا، سونداي-اق استانادا وڭالىپ كەلەدى»، - دەدى مينيستر.

الەكسەي تسويدىڭ ايتۋىنشا، ەلىمىز ىندەتتىڭ شارىقتاۋ شەگىنەن ءوتتى.

«ءبىزدىڭ مىندەتىمىز - بۇكىل ادامدار ءۇشىن، بۇكىل دەنساۋلىق ساقتاۋ جۇيەسى ءۇشىن وتە قيىن سىناقپەن كەلگەن وسى پوزيتسيانى ۇستاپ قالۋ»، - دەدى ۆەدومستۆو باسشىسى.

ەسكە سالا كەتەيىك، بۇعان دەيىن مەملەكەت باسشىسى قاسىم-جومارت توقاەۆ ۇكىمەتتى ازاماتتاردىڭ كارانتين رەجيمىن ساقتاۋ جونىندەگى شارالاردى كۇشەيتۋگە مىندەتتەگەن بولاتىن. پرەزيدەنتتىڭ ايتۋىنشا, ونسىز پاندەمياعا قارسى كۇرەستە جەڭىسكە جەتۋ مۇمكىن ەمەس.

سوڭعى جاڭالىقتار