3 تامىز, 11:22 499 0 ايماق انار لەپەسوۆا

"پاتەر الىپ بەرەمىن": قىزىلوردا تۇرعىنىن الداپ سوققان الاياق ۇستالدى

قىزىلوردا قالاسىنىڭ تۇرعىنىن الداعان الاياق جاۋاپكەرشىلىككە تارتىلدى،  دەپ حابارلايدى Polisia.kz.

قىزىلوردا قالاسىنىڭ تۇرعىنى اكىمشىلىكتە جۇمىس جاسايتىندىعىن ايتىپ، كوپ قاباتتى ۇيلەردەن پاتەر الىپ بەرەمىن دەگەن جەلەۋمەن ءوزىنىڭ تانىسىنىڭ  جەكە كۋالىگى مەن بانك كارتاسىن پايدالانىپ، ونىڭ اتىنان ميكروكرەديتتىك مەكەمەلەردەن جالپى 305 000 تەڭگە  نەسيە راسىمدەگەن. ​جەدەل-ىزدەستىرۋ شارالارىنىڭ ناتيجەسىندە قىزىلوردا قالاسىنىڭ 26 جاستاعى تۇرعىنى ۇستالدى.

بۇل دەرەك بويىنشا قر قىلمىستىق كودەكسىنىڭ 190-بابىنىڭ 2-بولىگىنىڭ 4-تارماعىمەن “الاياقتىق” سوتقا دەيىنگى تەرگەپ-تەكسەرۋ امالدارى جۇرگىزىلدى. تەرگەۋ بارىسىندا كۇدىكتى ازاماتشانىڭ جاساعان الاياقتىق ءىس-ارەكەتى تولىعىمەن ءوز دالەلىن تاۋىپ، اتالعان ءىس ايىپتاۋ اكتىسىمەن سوتقا جولداندى.

كۇدىكتى ازاماتشا ءوز كىناسىن تولىعىمەن مويىنداپ، جابىرلەنۋشىلەرگە كەلتىرىلگەن شىعىندى تولىق وندىرگەن. قىزىلوردا قالالىق سوتىنىڭ ۇكىمى نەگىزىندە ايىپتالۋشىعا ەكى جىل مەرزىمگە باس بوستاندىعىنان شەكتەۋ جازاسى تاعايىندالدى.

سوڭعى جاڭالىقتار