2 تامىز, 17:25 574 0 جاڭالىقتار اسىل تۇمار

ورالدا جاڭا كوپىر پايدالانۋعا بەرىلدى

ورالدا «ومەگا» زاۋىتى اۋدانىنداعى جاڭا كوپىر پايدالانۋعا بەرىلدى.

كوپىردىڭ اشىلۋ راسىمىنە قاتىسقان وبلىس اكىمى عالي ەسقاليەۆ قۇربان ايت مەيرامىنا وراي ىسكە قوسىلعان نىساننىڭ قالا تۇرعىندارى ءۇشىن ماڭىزدىلىعىن اتاپ كورسەتتى.

1978 جىلى سالىنعان كوپىر سودان بەرى كۇردەلى جوندەۋدەن وتپەگەن بولاتىن.

«مۇنى جاڭا كوپىر دەۋگە بولادى. مەردىگەرلەردىڭ سوزىنە قاراعاندا، كەمىندە ەلۋ جىلعا، ءتىپتى ودان دا كوپ مەرزىمگە شىدايدى. كوپىردىڭ 85 پايىزى جەرگىلىكتى قازاقستاندىق ۇلەس ەسەبىنەن تۇرعىزىلدى. اقتوبە، ورال، قاراعاندى جانە باسقا قالالاردان اكەلىنگەن قۇرىلىس ماتەريالدارى پايدالانىلدى. جەرگىلىكتى كاسىپورىندار دا جۇمىس ىستەدى. قىسقاسى، بارلىق وتاندىق وندىرۋشىلەرگە كىرىس كوزى تابىلدى. تاعى ءبىر اتاپ وتەتىن جايت، كوپىر جوندەلىپ جاتقان كەزدە دەركول، سەلەكتسيوننىي، ومەگا اۋدانىندا تۇراتىن تۇرعىندار (120 مىڭداي ادام) قالاعا №7 باعىتتاعى اۆتوبۋسپەن 1 ساعات 20 مينۋتتا جەتەتىن ەدى. قازىر بۇعان 25 مينۋت كەتەدى. سونداي-اق كوروناۆيرۋس ىندەتىمەن كۇرەس كەزىندە جەدەل جاردەم كولىكتەرى دە ناۋقاستاردى اۋرۋحانالارعا اناعۇرلىم تەز جەتكىزە الادى»، – دەدى ءوڭىر باسشىسى.

ارقالىقتاردى سالۋ، اسفالت توسەۋ جۇمىستارىندا جاڭا تەحنولوگيالار قولدانىلدى.

سوڭعى جاڭالىقتار