1 تامىز, 15:38 745 0 جاڭالىقتار انار لەپەسوۆا

ەلوردادا اۆتوبۋستار قوزعالىسى جاندانادى: جولاۋشىلار مەن جۇرگىزۋشىلەرگە قانداي تالاپ قويىلادى؟

3 تامىزدان باستاپ جۇمىس بەرۋشىلەر مەن قالا تۇرعىندارىنىڭ ءوتىنىشى بويىنشا اۆتوبۋستار قوزعالىسى جاندانادى. بۇل تۋرالى قالا اكىمى التاي كولگىنوۆ Instagram پاراقشاسىنا جازدى.

«مەن كارانتين كەزەڭىندەگى قوعامدىق كولىكتەردىڭ دايىندىعىمەن تانىستىم. جۇمىس بەرۋشىلەر مەن قالا تۇرعىندارىنىڭ ءوتىنىشى بويىنشا ءبىز 3 تامىزدان باستاپ اۆتوبۋس قوزعالىسىن قالپىنا كەلتىرەمىز. تەك قالا ىشىندە جۇرەتىن باعىتتار ىسكە قوسىلادى»، - دەدى نۇر-سۇلتان قالاسىنىڭ اكىمى.

اۆتوبۋستار ساعات 6: 00-دەن 21: 00-گە دەيىن جۇرەدى. قوعامدىق كولىكتەرگە ماسكاسىز كىرۋگە تىيىم سالىنادى. كولىكتىك باقىلاۋ ءبولىمىنىڭ قىزمەتكەرلەرى كۇن سايىن رەيدتەر جۇرگىزىپ، جۇرگىزۋشىلەر دە، جولاۋشىلار دا ماسكا رەجيمىن ساقتايتىن بولادى. جۇرگىزۋشىلەرگە جولاۋشىلاردى سالونعا ماسكاسىز كىرگىزۋگە قاتاڭ تىيىم سالىنادى. اۆتوبۋستان تەك الدىڭعى ەسىكتەن شىعادى. جول ءجۇرۋ اقىسى بانكتىك اۋدارىم ارقىلى جاسالادى.

 

سوڭعى جاڭالىقتار