1 تامىز, 11:11 661 0 دەنساۋلىق انار لەپەسوۆا

ەلىمىزدە 5 جاسقا دەيىنگى بالالارعا ماسكا تاقپاۋعا رۇقسات بەرىلدى

سۋرەت ينتەرنەتتەن الىندى
سۋرەت ينتەرنەتتەن الىندى

دەنساۋلىق ساقتاۋ ءمينيسترى الەكسەي تسوي قازاقستاندىقتاردىڭ كوشەدە ماسكا تاعىپ ءجۇرۋىن مىندەتتەيتىن بۇيرىققا وزگەرىس ەنگىزدى.

ءمينيستردىڭ «سانيتارلىق-ەپيدەمياعا قارسى جانە سانيتارلىق-پروفيلاكتيكالىق ءىس-شارالاردى ۇيىمداستىرۋدىڭ جانە وتكىزۋدىڭ كەيبىر ماسەلەلەرى تۋرالى» 2020 جىلعى 5 شىلدەدەگى بۇيرىعىنا وزگەرىستەر ەنگىزىلدى.

10-تارماقتىڭ 7) جانە 9) تارماقشالارى مىناداي وزگەرىستەر ەنگىزىلسىن:

7) بەس جاسقا دەيىنگى بالالاردى قوسپاعاندا، قوعامدىق ورىنداردا، حالىققا بارۋعا، قىزمەت كورسەتۋگە جانە دەمالۋعا ارنالعان ءۇي-جايلاردا، قوعامدىق كولىكتە، سونىمەن قاتار الەۋمەتتىك قاشىقتىقتى ەسكەرە وتىرىپ، قوعامدىق تاماقتانۋ ورىندارىندا تاماقتانۋ كەزىندە مەديتسينالىق نەمەسە ماتادان جاسالعان ماسكا كيۋ مىندەتتى;

9) الەۋمەتتىك قاشىقتىقتى ساقتاي وتىرىپ، بەس جاسقا دەيىنگى بالالار مەن جەكە، توپتىق سپورت تۇرلەرىمەن بەس ادامنان اسپايتىن جەكە تۇلعالاردى قوسپاعاندا، اشىق جەرلەردە مەديتسينالىق نەمەسە شۇبەرەك ماسكالارىن كيۋ مىندەتتى بولىپ سانالادى»، - دەلىنگەن جاڭارتىلعان قۇجاتتا.

ەسكە سالا كەتسەك، 30 شىلدەدەن باستاپ قازاقستاندىقتارعا كوشەدە ماسكا كيۋگە بۇيرىق بەرىلگەن. بۇل تۋرالى ەلدىڭ باس سانيتارلىق مەملەكەتتىك دارىگەرى ايجان ەسماعامبەتوۆانىڭ قاۋلىسىندا ايتىلعان.

كەيىننەن دەنساۋلىق ساقتاۋ ءمينيسترى الەكسەي تسوي بۇل ەرەجە تەك ەرەسەكتەرگە عانا ەمەس، بالالارعا دا قاتىستى ەكەنىن ءتۇسىندىردى. سونىمەن قاتار، ول جەكە قورعانىس قۇرالدارىن بارلىق قوعامدىق ورىنداردا، سونىڭ ىشىندە ءدامحانالارجا، سپورتپەن شۇعىلدانۋ كەزىندە جانە باسقالارىندا كيۋ كەرەك ەكەنىن ايتقان بولاتىن.

 

سوڭعى جاڭالىقتار