1 تامىز, 11:29 4192 0 ەكونوميكا انار لەپەسوۆا

443 مىڭ تەڭگە: قازاقستاندا ەڭ كوپ جالاقىنى قاي سالا ماماندارى الادى

ەلىمىزدە ورتاشا ايلىق جالاقى 212035 تەڭگەنى قۇرادى.

ۇەم ستاتيستيكا كوميتەتىنىڭ مالىمەتىنشە، 2020 جىلعى ءىI توقساندا ءبىر قىزمەتكەردىڭ ورتاشا ايلىق اتاۋلى جالاقىسى 212035 تەڭگەنى قۇرادى. اتاۋلى جالاقى يندەكسى وتكەن جىلعى ءتيىستى توقسانىنا 113,7%، ال ناقتى جالاقى يندەكسى 106,5% قۇردى.

سالالىق قۇرىلىمدا ەڭ ۇلكەن اتاۋلى جالاقى تاۋ-كەن ءوندىرۋ ونەركاسىبى جانە كارەرلەردى قازۋ–443,4 مىڭ تەڭگە (ورتاشا رەسپۋبليكالىق دەڭگەيدەن 2,1 ەسەگە استى), قارجى جانە ساقتاندىرۋ قىزمەتىندە –386,8مىڭ تەڭگە (1,8 ەسەگە استى), كاسىبي، عىلىمي جانە تەحنيكالىق قىزمەتتە –326مىڭ تەڭگە (1,5 ەسەگە استى),اقپارات جانە بايلانىس سالاسىندا – 273,2مىڭ تەڭگە (1,3 ەسەگە استى), كولىك جانە جيناقتاۋ سالاسىندا– 233,6 مىڭ تەڭگە (1,1 ەسەگە استى) بەلگىلەندى. ەڭ تومەنگى اتاۋلى جالاقى اۋىل، ورمان جانە بالىق شارۋاشىلىعىنىڭ قىزمەتكەرلەرىندە بەلگىلەندى –127,3مىڭ تەڭگە، بۇل رەسپۋبليكا بويىنشا ورتا كورسەتكىشتەن 40% %-عا تومەن.

وڭىرلىك بولىنىستە ەڭ جوعارعى جالاقى اتىراۋ وبلىسىندا بەلگىلەندى – 386,4 مىڭ تەڭگە، بۇل ورتاشا رەسپۋبليكالىق كورسەتكىشتەن شامامەن 1,8 ەسەگە اسادى. قازاقستان وبلىسىندا مۇنىڭ شاماسى 159,3 مىڭ تەڭگەنى قۇرادى، بۇل ەل بويىنشا ورتاشا دەڭگەيدەن 24,9%-عا تومەن.

 

سوڭعى جاڭالىقتار