1 تامىز, 10:47 538 0 دەنساۋلىق انار لەپەسوۆا

COVID-19: الەمدە جاڭا رەكورد تىركەلدى

دۇنيەجۇزىلىك دەنساۋلىق ساقتاۋ ۇيىمى ءبىر تاۋلىك ىشىندە كوروناۆيرۋس ىندەتىن جۇقتىرۋ كورسەتكىشى بويىنشا جاڭا رەكورد تىركەدى.

سوڭعى تاۋلىكتە الەمدە 292 مىڭنان استام ادامنان كوروناۆيرۋس انىقتالعان. بۇعان دەيىن قاتەرلى ۆيرۋستى جۇقتىرعاندار بويىنشا ەڭ كوپ ادام 25 شىلدەدە تىركەلگەن. سول كۇنى 286 مىڭ ادامنان ۆيرۋس انىقتالعان بولاتىن.

ددسۇ دەرەگىنشە، الەمدە كوروناۆيرۋس جۇقتىرعاندار سانى 17 ملن 100 مىڭ ادامعا جەتتى. ىندەتتەن 669 مىڭعا جۋىق ناۋقاس كوز جۇمدى.

پاندەميا باستالعالى ىندەتكە شالدىققانداردىڭ باسىم كوپشىلىگى سولتۇستىك جانە وڭتۇستىك امەريكادا (9,1 ملن ادام) جانە ەۋروپادا (3,3 ملن ادام) تىركەلگەن. الەمدە اۋرۋ جۇقتىرعاندجار سانى بويىنشا ءۇشىنشى ورىندا وڭتۇستىك-شىعىس ازيا تۇر. مۇندا 2 ميلليوننان استام ادام كوروناۆيرۋس ىندەتىنە شالدىققان.

ال جەكەلەگەن ەلدەر بويىنشا ۆيرۋس جۇقتىرعاندار سانى جونىنەن اقش 4,3 ملن ادام) كوش باستاپ تۇر. ەكىنشى ورىندا برازيليا (2,5 ملن ادام), ءۇشىنشى ورىندا ءۇندىستان (1,6 ملن ادام) تۇر.

 

سوڭعى جاڭالىقتار