1 تامىز, 10:39 2955 0 جاھان انار لەپەسوۆا

بوستونداعى جارىلىس: دجوحار تسارناەۆ ءولىم جازاسىنا كەسىلمەيتىن بولدى

2013 جىلى بوستون مارافونىندا تەراكت جاساعان دجوحار تسارناەۆ ءولىم جازاسىنا كەسىلمەيتىن بولدى.

ءتيىستى ۇكىمدى اقش سوتى الىپ تاستادى. بۇعان  سۋديانىڭ تۇراقتى وكىلدەردى قايتا ىرىكتەي الماۋى سەبەپ بولىپ وتىر. ويتكەنى ولاردىڭ كەيبىرى بەيتاراپ پىكىردە بولماعان، دەپ حابارلايدى «حابار 24».

بۇل اتىشۋلى وقيعا جاڭالىقتاردا كەڭىنەن ايتىلىپ، كۇنى-ءتۇنى دجوحار تسارناەۆتىڭ سۋرەتى مەن ۆيدەوسى كورسەتىلگەن ەدى. سول كەزدە ءبىرىنشى ينستانتسيالى سوت دجوحار تولىعىمەن كىنالى دەگەن وي قالىپتاستىرعان تۇراقتى وكىلدەردى تارتقان. ەندى سوت ءولىم جازاسى ءادىل تاعايىندالماعاندىعىن العا تارتىپ، ۇكىمدى قايتا قاراستىردى. وسىلايشا، فەميدا وكىلدەرى بوستون مارافونىندا تەراكت جاساعانعا قانداي جازا تاعايىنداۋ كەرەكتىگىن قايتادان شەشەتىن بولادى.

ەستەرىڭىزگە سالا كەتەيىك، مارافون كەزىندەگى جارىلىستا 3 ادام قازا تاپقان. ونىڭ بىرەۋى – بالا. ال 282 ادام ءتۇرلى دەنە جاراقاتىن العان بولاتىن.

سوڭعى جاڭالىقتار