1 تامىز, 10:21 602 0 جاھان انار لەپەسوۆا

رەسەيلىك ستۋدەنتتەر وقۋ ورنىندا ماسكا تاعۋعا مىندەتتەلدى

جاڭا وقۋ جىلىندا رەسەي جوعارى وقۋ ورىندارىندا ماسكا تاعىپ ءجۇرۋ مىندەتتى تالاپقا اينالماق. بۇل تۋرالى رەسەي ءبىلىم مينيسترلىگىنە سىلتەمە جاساپ تاسس حابارلادى. 

«وقۋ پروتسەسىن ۇيىمداستىرۋ كەزىندە جاڭا كوروناۆيرۋس ينفەكتسياسىنىڭ الدىن الۋ شارالارى قاتاڭ ساقتالادى» دەدى رف ءبىلىم ءمينيسترى ۆالەري فالكوۆ.

ءبىر ايتا كەتەرلىگى، مينيسترلىك اعزاسىندا ۆيرۋسقا انتيدەنە بارى انىقتالعان ستۋدەنتتەر مەن وقىتۋشىلارعا ماسكاسىز جۇرۋگە رۇقسات ەتپەكشى. باستىسى، سونى دالەلدەيتىن انىقتاما بولسا بولعانى.

ستۋدەنتتەر مەن وقىتۋشىلاردى ۋنيۆەرسيتەت اكىمشىلىگى ماسكامەن قامتاماسىز ەتۋگە مىندەتتەلەدى.

پاندەميا باستالعالى رەسەيدە 840 مىڭنان اسا ادامنان كوروناۆيرۋس انىقتالدى. ىندەتتەن 13963 ادام قايتىس بولدى.

ايتا كەتەيىك، سوڭعى تاۋلىكتە قازاقستاندا 1289 ادامنان كوروناۆيرۋس انىقتالىپ، ىندەتكە شالدىققانداردىڭ جالپى سانى 90 مىڭنان استى. ناۋقاستاردىڭ 61 مىڭعا جۋىعى ەمدەلىپ شىقتى. 793 ادام كوز جۇمدى.

 

سوڭعى جاڭالىقتار