31 شىلدە, 22:15 468 0 جاڭالىقتار اسىل تۇمار

«Nur Otan» پارتياسى تۇرمىستىق زورلىق-زومبىلىقتان زارداپ شەككەن ايەلگە كومەكتەستى

پارتيا ايسۇلۋ بايتىكوۆا ۇشىراسقان جاعدايدان تىس قالعان جوق. بۇگىن قارابالىق اۋداندىق پارتيا فيليالى توراعاسىنىڭ ءبىرىنشى ورىنباسارى ر.كوشەكباەۆا قارابالىق اۋداندىق پوليتسيا ءبولىمى باستىعىنىڭ م.ا.، پوليتسيا مايورى س.ساعيدۋللاەۆ جانە ايەلدەردى زورلىق-زومبىلىقتان قورعاۋ ينسپەكتورى، پوليتسيا كاپيتانى يرينا شەۆچەنكومەن بىرگە ايسۇلۋعا بارىپ، حال-جاعدايىن ءبىلدى.

قارابالىق اۋدانىنىڭ اكىمدىگىمەن بىرلەسىپ وتكىزىلگەن اڭگىمەلەسۋدىڭ ناتيجەسى بويىنشا ا.بايتىكوۆاعا قارابالىق ورتا مەكتەبىنە 2020 جىلدىڭ 10 تامىزىنان باستاپ باستاۋىش ءپانى مۇعالىمى بولىپ جۇمىسقا ورنالاستىرۋ ۇسىنىلدى.

سونداي-اق، ايسۇلۋعا داعدارىس ورتالىعىنىڭ قىزمەتتەرى دە ۇسىنىلدى، الايدا ول بۇدان باس تارتتى. قارابالىق اۋدانىنىڭ پوليتسيا ءبولىمى ايسۇلۋدىڭ بۇرىنعى كۇيەۋىنە قاتىستى 30 تاۋلىككە قورعاۋ نۇسقاماسىن شىعاردى.

سونىمەن قاتار، پارتيانىڭ قوستاناي وبلىستىق فيليالى تۇرمىستىق زورلىق-زومبىلىقتان زارداپ شەككەن ايسۇلۋ بايتىكوۆاعا كومەك كورسەتۋ تۋرالى شەشىم قابىلدادى.

«زاڭگەرلىك كومەك» پارتيالىق جوباسى اياسىندا ايسۇلۋعا اقىسىز نەگىزدە جان-جاقتى زاڭدىق كومەك كورسەتىلەدى. سوتتا ايسۇلۋدىڭ مۇددەسىن قوستاناي ادۆوكاتتار القاسىنىڭ ادۆوكاتى، «قازاقستان زاڭگەرلەر وداعى» رقب كق مۇشەسى چۋماك اللا الەكساندروۆنا قورعايدى. ايسۇلۋ تالاپ ارىز جاساۋ جانە قۇقىقتىق كومەك كورسەتۋ ءۇشىن 2020 جىلعى 3 تامىزدا ساعات 11.30-دا پارتيانىڭ وبلىستىق فيليالىنا شاقىرىلدى.

ول «Nur Otan» پارتياسىنا نازار اۋدارىپ، كومەك كورسەتكەنى زور العىسىن ءبىلدىردى.

سوڭعى جاڭالىقتار