31 شىلدە, 18:15 780 0 جاڭالىقتار اسىل تۇمار

دەزينفەكتسيا قۇرالدارى پنەۆمونيانى قوزدىرمايدى – جانداربەك بەكشين

الماتى قالاسىنىڭ باس سانيتار دارىگەر جانداربەك بەكشين دەزينفەكتسيا قۇرالدارىنىڭ پنەۆمونيا اۋرۋىن قوزدىرمايتىنىن ايتتى، – دەپ جازدى قازاقپارات.

ج.بەكشيننىڭ ايتۋىنشا، ادامدار ءوزىن-ءوزى ەمدەمەك بولىپ اۋرۋىن اسقىندىرىپ الادى. كەز كەلگەن اۋرۋدى بىلىكتى مامان ەمدەگەنى دۇرىس. قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ اقپاراتىنا سايكەس، سيمپتومسىز جۇرگەن ناۋقاستار قاۋىپ تۋدىرىپ وتىر. كەي جاعدايدا تىنىس الۋ جولدارىنىڭ شىرىشتى قابىعىنداعى كوروناۆيرۋس سيمپتوم تۋدىرماسا دا وكپەگە تۇسە كەلە قابىنۋ تۋدىرۋى مۇمكىن.

«ينفەكتسيا جوعارعى تىنىس جولدارىنان جىلجي كەلە وكپەگە تۇسەدى. جوعارعى تىنىس جولدارى تازا بولادى دا، پتر تالداۋى ەشتەڭە كورسەتپەيدى. ال ينفەكتسيا تومەنگى تىنىس جولدارىنا ءتۇسىپ كەتۋى مۇمكىن»، – دەدى ج.بەكشين.

جانداربەك بەكشين دەزينفەكتسيا قۇرالدارىنىڭ بارلىعى قازاقستاندا تىركەلگەن، ەاەو اۋماعىندا قولدانىستاعى، سەرتيفيكاتتالعان قۇرالدار بولىپ تابىلاتىنىن ايتتى.

«نەگىزىنەن گليۋكوزامين مەن اكما-حلور 0,003% جانە 0,05% دوزاسىندا قولدانىلادى. بۇل ادام اعزاسى ءۇشىن قاۋىپسىز كونتسەنتراتسيا»، – دەدى بەكشين.

 

سوڭعى جاڭالىقتار