31 شىلدە, 10:16 686 0 ءبىلىم باقىتبەك قادىر

ۇلتتىق بىرىڭعاي تەستىلەۋ تۇڭعىش رەت ونلاين ءوتتى

بيىل تۇعىش رەت 733 قانداس تالاپكەر ۇبت ونلاين تاپسىردى. «وتانداستار قورى» جۇقپالى ىندەت سالدارىنان شەتەلدەن كەلە الماي قالعان جاستاردىڭ ءوتىنىشى بويىنشا وسىدان ءۇش اي بۇرىن ۇبت ونلاين وتكىزۋ باستاماسىن كوتەرگەن بولاتىن.

ءبىلىم جانە عىلىم جانە سىرتقى ىستەر مينيسترلىكتەرىنىڭ، ۇلتتىق تەستىلەۋ ورتالىعىنىڭ قولداۋىمەن قر اۋماعىندا كورونوۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا وتىرىسىندا شەتەلدەگى قانداس جاستارعا ۇبت-نى ونلاين وتكىزۋ تۋرالى شەشىم قابىلداندى.

«ءبىلىم جانە عىلىم مينيسترلىگى تاراپىنان تالاپكەرلەردى ۇلتتىق بىرىڭعاي تەستىلەۋگە دايارلايتىن دايىندىق بولىمىنە 2018-2019 جىلى – 992, 2019-2020 جىلى – 1300, 2020-2021 جىلعا 1300 ورىن بولىنگەن.

جىل سايىنعى قانداستاردى قابىلداۋعا ارنالعان كۆوتا 2%-دان، 4%-عا ءوستى. 2020 جىلى ۇبت تاپسىرۋعا 2025 قانداسىمىزدان ءوتىنىش ءتۇستى. قانداس تالاپكەر جاستاردىڭ باسىم بولىگى ەل ىشىندە ۇبت تاپسىردى. ەلگە كەلە الماعان قانداس تالاپكەرلەردىڭ ونلاين تەست تاپسىرۋىنا اتسالىسقان بارشا مامانداردىڭ قىزمەتىنە ريزاشىلىعىمدى بىلدىرەمىن»، – دەيدى «وتانداستار قورىنىڭ» ۆيتسە-پرەزيدەنتى ماعاۋيا سارباسوۆ.

ەسكە سالامىز، قۇرمەتتى قىتاي، موڭعوليا جانە وزبەكستانداعى قانداستار!

ونلاين تاپسىرعان ۇبت ناتيجەلەرىن https://certificate.testcenter.kz/ سايتىنان جسن، تجك ەنگىزىپ بىلە الاسىزدار.
سودان كەيىن جوو-نىڭ ۆيرتۋالدى قابىلداۋ كوميسسياسىنا كونكۋرسقا قاتىسۋ ءۇشىن قۇجاتتارىڭىزدى تاپسىرۋ قاجەت. كونتاكتىلەرى كەلەسى سىلتەمەدەن جۇكتەپ الۋعا بولادى http://www.testcenter.kz/press-tsentr/novosti/detail.php?ID=2059
ەگەر ءسىز 2020 جىلعى 19 شىلدەدە وتكىزىلگەن ونلاين تەستىلەۋ بارىسىنىڭ بەينەجازباسىن ۇلتتىق تەستىلەۋ ورتالىعىنا جىبەرمەسەڭىز – ناتيجەڭىز شىقپايدى. تەستىلەۋ ناتيجەسى تەك بەينەجازبا قارالعاننان كەيىن عانا جارامدى. بەينەجازبا ۇلتتىق تەستىلەۋ ورتالىعىنىڭ nct-kt@mail.ru پوشتاسىنا جىبەرىلمەگەن جاعدايدا، تەستىلەۋ ناتيجەسى جويىلاتىن بولادى.

 

سوڭعى جاڭالىقتار