2 شىلدە, 15:06 8772 0 كولىك انار لەپەسوۆا

قۇلسارى ستانساسىنان جولاۋشىلاردى وتىرعىزىپ، تۇسىرۋگە تىيىم سالىندى

اتىراۋ وبلىسىنىڭ قۇلسارى ستانساسىندا جولاۋشىلاردى پويىزعا وتىرعىزۋعا جانە تۇسىرۋگە تىيىم سالىندى، دەپ حابارلايدى «قازاقستان تەمىر جولى» ۇك» اق ءباسپاسوز قىزمەتى.

جىلىوي اۋدانى باس مەملەكەتتىك سانيتار دارىگەرىنىڭ شەشىمىنە سايكەس، كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا 2 شىلدە ساعات 07-00-دەن 15 شىلدەگە دەيىن قۇلسارى ستانساسىندا پويىزعا بيلەت ساتۋعا، وتىرعىزىپ، تۇسىرۋگە ۋاقىتشا تىيىم سالىنعان. اتاپ ايتقاندا، شەكتەۋ شارالارى مىنا پويىزداردا قولدانىلادى:

- № 37/38 «ماڭعىستاۋ-نۇر-سۇلتان-نۇرلى جول»;

- № 309/310 «ماڭعىستاۋ-اقتوبە»;

- № 313/314 «اتىراۋ-ماڭعىستاۋ»;

- №77/ 78 جانە № 313/314 جولاۋشىلار پويىزىنىڭ قۇرامىندا قاتىنايتىن «الماتى-2-قۇلسارى» تىكەلەي قاتىنايتىن ۆاگوندارى.

قۇلسارى ستانساسىنان پويىزعا وتىرعىزۋ جانە ءتۇسىرۋ جولاۋشىلاردا دارىگەرلىك-كونسۋلتاتيۆتىك كوميسسيانىڭ قورىتىندىسى نەمەسە مەديتسينالىق مەكەمەنىڭ شاقىرۋ حاتى بولعان جاعدايدا عانا رۇقسات ەتىلەدى.

بۇدان بۇرىن قۇلسارى ستانساسىنا دەيىن نەمەسە سول ستانسادان بيلەت العان جولاۋشىلار جول ءجۇرۋ قۇجاتىن قايتارىپ، جۇرىلمەگەن جول ايىرماشىلىعىن نەمەسە بيلەت قۇنىن تولىق قايتارىپ الا الادى.

«كوروناۆيرۋس پاندەمياسىنا بايلانىستى ۇلتتىق تاسىمالداۋشى جولاۋشىلاردان سانيتاريالىق-ەپيدەميولوگيالىق تالاپتاردى ساقتاپ، وزىمەن بىرگە جەكە قورعانىش قۇرالدارىن الىپ ءجۇرۋىن سۇرايدى» دەلىنگەن حابارلامادا.

 

سوڭعى جاڭالىقتار