2 شىلدە, 14:17 1033 0 قوعام انار لەپەسوۆا

قاتاڭ كارانتين تاعى ەكى اپتاعا ۇزارتىلۋى مۇمكىن – پرەمەر-مينيستر

ەپيدەميولوگيالىق احۋال جاقسارماسا، ەلىمىزدە شەكتەۋ شارالارى تاعى 2 اپتاعا ۇزارتىلۋى مۇمكىن.

بۇل تۋرالى مەملەكەتتىك كوميسسيا وتىرىسىندا قر پرەمەر-ءمينيسترى اسقار مامين مالىمدەدى.

ۇكىمەت باسشىسىنىڭ ايتۋىنشا، ەلىمىزدەگى ەپيدەميولوگيالىق احۋالدىڭ الداعى ۋاقىتتا قالاي وزگەرەتىنىنە بايلانىستى اتالعان شەكتەۋ شارالارى 2 اپتاعا ۇزارتىلۋى نەمەسە قاتاڭداتىلۋى مۇمكىن.

ايتا كەتەيىك، بۇعان دەيىن ۇكىمەت وتىرىسىندا 5 شىلدەدەن باستاپ 14 كۇنگە شەكتەۋ شارالارىن ەنگىزۋ تۋرالى شەشىم قابىلدانعانىن حابارلاعانبىز.

بۇل شەشىم مەملەكەت باسشىسى قاسىم-جومارت توقاەۆتىڭ ەلىمىزدەگى ەپيدەميولوگيالىق احۋالدى تۇراقتاندىرۋ جونىندەگى تاپسىرماسىنا ساي قابىلدانىپ وتىر.

ەلىمىزدە ىندەت جۇقتىرعاندار سانىنىڭ كۇرت ءوسۋى ۇكىمەتتى قاتاڭ شارالاردى قولعا الۋعا ماجبۇرلەدى. وتكەن تاۋلىكتە ەلىمىزدە 1509 ادامنان كوروناۆيرۋس انىقتالىپ, رەسپۋبليكا بويىنشا ىندەتكە شالدىققانداردىڭ جالپى سانى 42 574-كە جەتتى.

 

سوڭعى جاڭالىقتار