2 شىلدە, 09:33 839 0 اتاجۇرت باقىتبەك قادىر

قانداستاردى قۇجاتتاندىرۋ ماسەلەسى جەڭىلدەتىلدى

قانداستاردان تالاپ ەتىلەتىن قۇجاتتار ءتىزىمى 46-دان 20-عا دەيىن قىسقارتىلدى.

اقپارات جانە قوعامدىق دامۋ ءمينيسترى ايدا بالاەۆا ەلگە ورالعان قانداستارىمىزعا قۇجات راسىمدەۋ اناعۇرلىم جەڭىلدەتىلىپ جاتقانىن مالىمدەدى. بۇل جايلى مينيستر حالىققا ەسەپ بەرۋ كەزدەسۋىندە ايتتى.

«ۇلتارالىق قاتىناس سالاسىنىڭ ۇلكەن ءبىر بولىگى – شەتەلدەگى قازاقتار مەن ەلگە ورالعان قانداستار ماسەلەسى. بۇل باعىتتاعى بارلىق سۇراقتاردى شەشۋ ءۇشىن قازىر «وتانداستار» قورىمەن بىرلەسە وتىرىپ، بىرقاتار جوبالاردى قولعا الدىق. وزدەرىڭىز بىلەسىزدەر، ۇكىمەت تاراپىنان بەكىتىلگەن «2018-2022 جىلدارعا ارنالعان ەتنيكالىق قازاقتاردى قولداۋ جوسپارى» بار. ونىڭ اياسىندا شەتەلدەگى قازاقتاردىڭ قاتىسۋىمەن كوپتەگەن مادەني-گۋمانيتارلىق عانا ەمەس، بيزنەس ءىس-شارالار دا وتكىزىلىپ وتىرادى»، - دەدى ايدا بالاەۆا وكق الاڭى ارقىلى حالىققا ەسەپ بەرۋ كەزدەسۋىندە.

ءمينيستردىڭ ايتۋىنشا، ەلگە ورالعان قانداستارىمىزعا قۇجات راسىمدەۋ اناعۇرلىم جەڭىلدەتىپ، «ءبىر تەرەزە» قاعيداسى ەنگىزىلىپ وتىر. وسىنىڭ ناتيجەسىندە قازىر قانداستار 5-6 مەملەكەتتىك مەكەمەنى ارالاپ تابان توزدىرماي، بارلىق شارۋاسىن ءبىر جەردەن شەشەتىن بولادى. ولارعا قاجەتتى قۇجاتتاردىڭ سانى دا ەكى ەسەگە ىقشامدالىپ، راسىمدەۋ ۋاقىتى 6 ايدان 3 ايعا قىسقارعان.

سوڭعى جاڭالىقتار