1 شىلدە, 19:58 6266 0 دەنساۋلىق انار لەپەسوۆا

8-سىنىپ وقۋشىسى اتاسىن قۇتقارۋ ءۇشىن وكپەنى جاساندى جەلدەتۋ اپپاراتىن جاساپ شىعاردى (ۆيدەو)

يسلام جالعاسباي ەسىمدى ماڭعىستاۋلىق وقۋشى پنەۆمونياعا شالدىققان اتاسىنىڭ دەنساۋلىعىن وڭالتۋ ءۇشىن قولدا بار زاتتارمەن وكپەنى جاساندى جەلدەتۋ اپپاراتىن جاسادى. 

بۇل تۋرالى Inaktau.kz حابارلادى.

8-سىنىپ وقۋشىسىنىڭ 62 جاستاعى اتاسى ەكىجاقتى پنەۆمونياعا شالدىعىپ، اۋرۋحاناعا جاتقىزىلعان. دارىگەرلەر قاريانىڭ  دەنساۋلىعىنا بايلانىستى بولجامدار كوڭىل كونشىتپەيتىنىن ايتىپ، تۋىستارىنا ونى ۇيىنە الىپ كەتۋدى ۇسىنعان.

"جاعدايى اۋىر ەدى. ونى ۇيگە الىپ كەلگەننەن كەيىن دە ءۇمىت ۇزبەي كۇرەسۋگە شەشىم قابىلدادىق. ءىنىمنىڭ بالاسى يسلام YouTube جەلىسىنەن بەينەروليك كورىپ، ءوز بەتىنشە وكپەنى جاساندى جەلدەتۋ اپپاراتىن جاساپ شىعارۋدى ۇيعاردى", – دەيدى وتباسىنىڭ  تۋىسى راحات تۇرعانوۆ.

وسىلايشا، سەگىزىنشى سىنىپ وقۋشىسىنىڭ قودان جاساپ شىققان اپپاراتى كادەگە جاراپ، اتاسىنىڭ ءومىرىن ءسال دە بولسىن جەڭىلدەتۋگە سەپتىگىن تيگىزدى.

"يسلام جاساپ شىعارعان اپپاراتپەن اتامىز تاعى بىرنەشە كۇن ءومىر ءسۇردى. الايدا، وكىنىشكە قاراي، ودان ايىرىلىپ قالدىق", – دەيدى ر.تۇرعانوۆ.

ايتا كەتەيىك، بۇعان دەيىن اتىراۋلىق كاسىپكەرلەر وبلىستىق اۋرۋحاناعا وكپەنى جاساندى جەلدەتۋ اپپاراتتارىن سىيعا تارتقانىن حابارلاعانبىز.

 

سوڭعى جاڭالىقتار