1 شىلدە, 15:36 518 0 جاڭالىقتار انار لەپەسوۆا

ەلوردالىقتار اشىق اسپان استىندا كينو تاماشالاي الادى

ەلوردا كۇنىندە تۇرعىندار وتاندىق جانە الەمدىك كينەماتوگرافيانىڭ ۇزدىك تۋىندىلارىن تاماشالاي الادى، دەپ حابارلايدى اكىمدىكتىڭ رەسمي سايتى.

نۇر-سۇلتان تۇرعىندارى مەن قالا قوناقتارى كينوتۋىندىلاردى 1-7 شىلدە ارالىعىندا كۇندە 21.00-دە تەگىن تاماشالايدى.

"قازىرگى ۋاقىتتا بارلىق كينوتەاترلاردىڭ جۇمىسى توقتاتىلدى. وسى جاعدايدى ەسكەرە وتىرىپ، نۇر-سۇلتان قالاسى اكىمدىگى مەن Enterprise كينوكومپانياسىنىڭ قولداۋىمەن 1-7 شىلدە ارالىعىندا Nur-Sultan autocinema festival جوسپارلاندى. اۆتو-كينوتەاتر "استانا ارەنا" cتاديونىنىڭ اۋماعىندا قابانباي باتىر داڭعىلى بويىندا ۇيىمداستىرىلادى", – دەلىنگەن حابارلامادا.

كورەرمەندەر ءوز كولىكتەرىندە وتىرىپ-اق، "قىز جىبەك", "مەنىڭ اتىم قوجا", ء"بىزدىڭ اياۋلى دارىگەر", "الپامىس مەكتەپكە بارادى", "پۋت ليدەرا" كينوەپوپەياسى، "اقساق قۇلان»، سونداي-اق شەتەلدىك "دجون ۋيك", "پريكليۋچەنيا پيتەرا پەنا", "استەريك ي وبەليكس" سياقتى فيلمدەردى تاماشالاي الادى.

سونىمەن قاتار، ۇيىمداستىرۋشىلار قاۋىپسىزدىك شارالارىن ەستەن شىعارماۋدى ەسكەرتەدى. ياعني، مىندەتتى تۇردە ماسكا تاعىپ، الەۋمەتتىك قاشىقتىقتى ساقتاۋ قاجەت، سانيتايزەرلەر قولدانۋ كەرەك.

ايتا كەتەيىك، كورسەتىلىمدە ەرەكشە كۇتىمدى قاجەت ەتەتىن بالالار ءۇشىن دە ارنايى مۇمكىندىكتەر قاراستىرىلادى.

 

سوڭعى جاڭالىقتار