1 شىلدە, 13:31 920 0 جاڭالىقتار انار لەپەسوۆا

اتىراۋلىق كاسىپكەرلەر وبلىستىق اۋرۋحاناعا وكپەنى جاساندى جەلدەتۋ اپپاراتتارىن الىپ بەردى

اتىراۋ وبلىسىنىڭ كاسىپكەرلەرى  وبلىستىق اۋرۋحاناعا وكپەنى جاساندى جەلدەتۋ اپپاراتتارىن سىيعا تارتتى.  بۇل تۋرالى وبلىس اكىمىنىڭ ورىنباسارى باقىتگۇل حامەنوۆا ايتتى.  

"بارشا جۇرتقا قاۋىپ توندىرگەن ىندەتتى اۋىزدىقتاۋ ءۇشىن، ەڭ الدىمەن، دارىگەرلەر مەن مەديتسينا قىزمەتكەرلەرى جۇمىلدىرىلدى. ولارعا مەملەكەت تاراپىنان جان-جاقتى قولداۋ  كورسەتىلدى. بيلىك اق حالاتتى ابزال جاندارعا بارىنشا جاعداي جاساۋدا. دەگەنمەن، ءبارىمىز ءبىر مەزەتتە جۇمىلىپ كۇرەسسەك، بۇل ىندەتتەن ارىلۋدىڭ اۋىلى الىس ەمەس دەپ بىلەمىن. بىرەر كۇن بۇرىن وبلىستاعى ءىرى كاسىپورىندار مەن كاسىپكەرلەرىمىزدى وسى ىندەتپەن جۇمىلىپ كۇرەسۋگە شاقىرعان ەدىم. ىلە-شالا قولداۋ ءبىلدىرۋشى كاسىپورىندار  تابىلدى. ولارعا العىس بىلدىرەمىز. وسىنداي قيىن كەزەڭدە ءبىر-بىرىمىزگە دەمەۋ بولساق، بۇل ىندەتتى دە بىرگە جەڭەمىز", - دەيدى ب.حامەنوۆا.

ايتا كەتەيىك، بۇگىندە اتىراۋ وبلىسىندا قاتەرلى ىندەتكە شالدىققاندار سانى 4133-كە جەتتى. كوروناۆيرۋستان 6 ناۋقاس كوز جۇمدى.

ال رەسپۋبليكا بويىنشا ىندەت جۇقتىرعانداردىڭ جالپى سانى 41 مىڭنان استى.

سوڭعى جاڭالىقتار