1 شىلدە, 11:09 503 0 ەكونوميكا انار لەپەسوۆا

وتاندىق قۇس فابريكالارى كۇن سايىن 800 توننا ءونىم وندىرەدى

جىل باسىنان بەرى ەلىمىزدە قۇس ەتىنىڭ ءوندىرىسى وتكەن جىلمەن سالىستىرعاندا 6,3% ءوستى. قاڭتار مەن مامىر ارالىعىندا 100 مىڭ تونناعا جۋىق ءونىم وندىرىلگەن.

بۇل تۋرالى قر اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى.

قازاقستاندا قۇس ەتىن 24 قۇس فابريكاسى شىعارادى. كۇن سايىن ولار 800 تونناعا دەيىن ءونىم وندىرەدى. اقمولا وبلىسىندا - 200 توننادان استام، الماتىدا - 350-گە جۋىق، اقتوبە مەن اتىراۋدا - 7 تونناعا، شىعىس قازاقستان وبلىسىندا - 130, باتىس قازاقستان، جامبىل جانە قاراعاندى ​​وبلىستارىندا - 20-دان استام، قوستاناي جانە پاۆلودار -14, سقو - 6, وقو - 45 تونناعا جۋىق. جىل سوڭىنا دەيىن بارلىق شارۋاشىلىق 300 مىڭ تونناعا جۋىق ەت وندىرەدى دەپ كۇتىلۋدە.

ايتا كەتۋ كەرەك، 2019 جىلى رەسپۋبليكادا 223 مىڭ توننا قۇس ەتى ءوندىرىلدى، ال 2018 جىلى 192 مىڭ توننا . ءوندىرىستىڭ تۇراقتى وسۋىنە بايلانىستى قۇس ەتىنىڭ يمپورتى 4% -عا ازايدى. 2018 جىلى 49% بولسا، 2019 جىلى 45% -عا ءتۇستى.

ەت ءوندىرىسىن دامىتۋ باعدارلاماسىن جۇزەگە اسىرۋمەن، سونىمەن قاتار قۇس ەتىن ءوندىرۋدى مەملەكەتتىك قولداۋ شارالارى جۇيەلى جۇرگىزىلگەندىكتەن قۇس شارۋاشىلىعى ءوزىنىڭ ءتيىستى ناتيجەسىن بەردى.

اتاپ ايتقاندا، قۇس ەتىن ودان ءارى يمپورتتى الماستىرۋعا ارنالعان قۇس شارۋاشىلىعىن دامىتۋ باعدارلاماسى اياسىندا جاڭا قۇس فابريكالارىن سالۋ جانە قولدانىستاعى مودەرنيزاتسيانى قارجىلاندىرۋ شارالارى قابىلدانۋدا.

بۇگىندە قازاقستاندا 5 قۇس فابريكاسىنىڭ قۇرىلىسى جالعاسۋدا. سونداي-اق، الماتى، اتىراۋ جانە قوستانايداعى قۇس فابريكالارىن جوندەۋ بويىنشا جۇمىس جۇرگىزىلۋدە.

ەلىمىزدەگى جوعارى ساپالى ءونىم وندىرەتىن قازىرگى زامانعى قۇس فابريكالارىنىڭ ءبىرى شىمكەنت قالاسىندا ورنالاسقان. «شىمكەنت قۇس» جشس 14 جىلدان بەرى جۇمىرتقا مەن برويلەر ەتىن ءوندىرىپ كەلەدى. زاۋىتتا جىلىنا 115 ملن جۇمىرتقا جانە 2 مىڭ توننا ەت وندىرىلەدى. قازىر قۇستاردىڭ جالپى سانى 600 مىڭنان اسادى، ولاردىڭ ىشىندە 400 مىڭعا جۋىعى تاۋىقتار، 92 مىڭنان استام باس جانۋار مەن 115 مىڭ برويلەر بار. كومپانيا 320 ادامدى جۇمىسپەن قامتىپ وتىر، ولاردىڭ ورتاشا جالاقىسى 105 مىڭ تەڭگە.

 

سوڭعى جاڭالىقتار