1 شىلدە, 10:23 961 0 جاڭالىقتار انار لەپەسوۆا

قازاق قىزى اقش-تا حوككەي كلۋبىنىڭ باس باپكەرى بولىپ تاعايىندالدى

قازاقستاندىق حوككەيشى قىز بۇلبۇل قارتانباەۆا امەريكادا حوككەي كلۋبىنىڭ باس باپكەرى قىزمەتىنە تاعايىندالدى. بۇل تۋرالى اقش-تىڭ قازاقستانداعى ەلشىلىگى حابارلادى.

«قازاقستاندىق بۇلبۇل قارتانباەۆانى قۇتتىقتايمىز. بۇگىن ول امەريكانىڭ نيۋ-دجەرسي شتاتىنداعى Princeton Tiger Lilies حوككەي كلۋبىنىڭ باس باپكەرى قىزمەتىنە كىرىستى» دەپ جازدى ەلشىلىك Instagram پاراقشاسىندا.

بۇلبۇل قارتانباەۆا - NWHL ايەلدەر ليگاسىنىڭ تاريحىنداعى ءبىرىنشى قازاقستاندىق سپورتشى. ول وتكەن جىلى امەريكالىق «مەتروپوليتەن ريۆەتەرس» كلۋبىمەن كەلىسىمشارتقا وتىرعان بولاتىن.

 

سوڭعى جاڭالىقتار