1 شىلدە, 08:49 1544 0 قوعام انار لەپەسوۆا

تۇركيا قازاقستانعا گۋمانيتارلىق كومەك جونەلتتى

انكارادان نۇر- سۇلتانعا گۋمانيتارلىق كومەك جىبەرىلدى.

باۋىرلاس ەلدەن جونەلتىلگەن جۇكتىڭ سالماعى 1,5 تونناعا جۋىق. وندا 100 مىڭ دانا ءبىر رەتتىك ماسكا، 2000 دانا قورعانىس كيىمدەرى، 2000 دانا بەتپەردە، 2000 دانا كوزىلدىرىك پەن 2000 دانا مەديتسينالىق باحيلا بار، دەپ حابارلايدى "حابار 24".

كومەكتى ەلىمىزدىڭ تۇركياداعى ەلشىلىگىنىڭ ۇيىتقىسىمەن «KayaTurk Group» كومپانياسى ۇيىمداستىردى.

اتالعان ونىمدەر نۇر-سۇلتان قالاسىندا COVID-19 كوروناۆيرۋس پاندەمياسىنا قارسى الدىڭعى شەپتە كۇرەسۋشى قىزمەتكەرلەرگە بەرىلەدى.

ايتا كەتكەن ءجون، الىستاعى اعايىن بۇعان دەيىن بىرنەشە رەت گۋمانيتارلىق كومەكپەن قوسا قاۋىپتى ىندەتكە قارسى ارنايى پرەپاراتتار جونەلتكەن بولاتىن.

سوڭعى جاڭالىقتار