30 ماۋسىم, 13:15 424 0 جاڭالىقتار ارايلىم بيمەنديەۆا

مەديتسينا ۇيىمدارىنا 80,3 ملرد تەڭگە تولەندى

جىل باسىنان بەرى مەملەكەتتىك تاپسىرىس جانە مەديتسينالىق ساقتاندىرۋ شەڭبەرىندە الماتىلىقتارعا قىزمەت كورسەتكەن مەديتسينا ۇيىمدارىنا 80,3 ملرد تەڭگە تولەندى.

سونىڭ ىشىندە مەملەكەتتىك تاپسىرىس بويىنشا كورسەتىلىپ جاتقان تەگىن مەديتسينالىق كومەك ءۇشىن 57,5 ملرد تەڭگە جانە مەديتسينالىق ساقتاندىرۋ ءۇشىن 22,8 ملرد تەنگە تولەنىپ وتىر.

مەديتسينالىق ساقتاندىرۋ قورى 2018 جىلدان بەرى مەملەكەتتىك بيۋدجەتتەن قارجىلاندىرىلاتىن كەپىلدەندىرىلگەن تەگىن كومەك پاكەتىنىڭ وپەراتورى. 2020 جىلدان باستاپ قور مىندەتتى الەۋمەتتىك مەديتسينالىق ساقتاندىرۋ شەڭبەرىندە كورسەتىلەتىن قىزمەتتەردىڭ اقىسىن تولەي باستادى.

جالپى، الماتى قالاسىندا 173 مەديتسينا ۇيىمى مەديتسينالىق ساقتاندىرۋ قورىمەن كەلىسىمشارت بەكىتكەن. ونىڭ باسىم بولىگى – جەكە مەنشىك كلينيكالار. 2020 جىلعا بەكىتىلگەن كەلىسىمشارتتىڭ جالپى سوماسى 190,6 ملرد تەڭگەنى قۇرايدى.

سوڭعى جاڭالىقتار