28 ماۋسىم, 20:37 26896 0 ساياسات انار لەپەسوۆا

ەرتەڭ پرەزيدەنت كوروناۆيرۋستىڭ تارالۋىنا قارسى شارالاردى جاريالايدى

29 ماۋسىم كۇنى قاسىم-جومارت توقاەۆ كوروناۆيرۋس ىندەتىنىڭ تارالۋىنا قارسى شارالار قابىلداۋ جونىندە كەڭەس وتكىزەدى، دەپ حابارلايدى قازاقستان پرەزيدەنتىنىڭ ءباسپاسوز حاتشىسى بەرىك ءۋالي Facebook-تەگى پاراقشاسىندا. 

«ەرتەڭ، 29 ماۋسىم كۇنى قازاقستان پرەزيدەنتى قاسىم-جومارت توقاەۆ كوروناۆيرۋس ىندەتىنىڭ تارالۋىنا قارسى شارالار قابىلداۋ جونىندە كەڭەس وتكىزەدى. كەڭەستە مەملەكەت باسشىسى قازىرگى احۋالعا باعا بەرىپ، ازاماتتاردىڭ دەنساۋلىعىن ساقتاۋدىڭ ساپاسىن ارتتىرۋعا باعىتتالعان شارالاردى جاريالايدى. سونداي-اق، ەكونوميكانى قولداۋ جانە حالىقتى الەۋمەتتىك قورعاۋ ماسەلەسى دە قارالادى دەپ جوسپارلانىپ وتىر. كەڭەسكە ۇكىمەت مۇشەلەرى، بىرقاتار ۆەدومستۆو باسشىلارى، وبلىس اكىمدەرى قاتىسادى» دەپ جازدى ول.

سوڭعى جاڭالىقتار