7 ماۋسىم, 09:41 538 0 جاڭالىقتار انار لەپەسوۆا

فۋتبولدان قازاقستان چەمپيوناتى قاشان جالعاسادى؟

فۋتبولدان پرەمەر-ليگا كوماندالارى اراسىنداعى قازاقستان چەمپيوناتى 1 شىلدەدە جالعاسادى. بۇل جونىندە «استانا» فۋتبول كلۋبى ءىnstagram جەلىسىندەگى اككاۋنتىندا جازدى.

ءمالىم بولعانىنداي، دوپ دوداسى بۇرىنعىداي ءۇش اينالىم ارقىلى وتكىزىلمەيدى. كوماندالار ەندى ەكى اينالىم بويىنشا سىنعا تۇسەتىن بولدى.

ەستەرىڭىزگە سالا كەتەلىك، بيىلعى پرەمەر-ليگا كوماندالارى اراسىنداعى قازاقستان چەمپيوناتىنىڭ العاشقى ەكى تۋرى وينالدى.

ودان كەيىن كوروناۆيرۋس ينفەكتسياسى قاۋپىنىڭ الدىن الۋ ماقساتىندا قالعان ويىندار كەيىنگە شەگەرىلدى. تەك «استانا»، «قايرات»، «ورداباسى» جانە «وقجەتپەس» الداعى تۋر ويىندارىن الدىن-الا ويناپ، قالعان كلۋبتاردان ءبىر ويىن ارتىق وتكىزدى.

قازىر تۋرنير كەستەسىندە «استانا» 7 ۇپايمەن كوش باستاپ كەلەدى. ودان كەيىنگى ورىندا 6 ۇپايمەن «قايرات» كومانداسى تۇر.

 

سوڭعى جاڭالىقتار