6 ماۋسىم, 17:31 879 0 جاڭالىقتار اسىل تۇمار

ەرلان قارين بۇگىنگى ميتينگىلەر نەگە زاڭسىز ەكەنىن ءتۇسىندىردى

الەۋمەتتىك جەلىدە بىرقاتار ازاماتتار «بەيبىت جيىندار تۋرالى جاڭا زاڭ قابىلداندى ەمەس پە، نەلىكتەن ميتينگ وتكىزۋگە رۇقسات بەرىلمەدى» دەگەن سەكىلدى پىكىر بىلدىرۋدە. قر پرەزيدەنتىنىڭ كەڭەسشىسى ەرلان قارين وسىعان وراي Facebook-تەگى پاراقشاسىندا تۇسىنىكتەمە بەردى.

«بەيبىت جيىنداردى ۇيىمداستىرۋ جانە وتكىزۋ ءتارتىبى» تۋرالى جاڭا زاڭعا مامىردىڭ 25 كۇنى قول قويىلىپ، ءوز كۇشىنە ءدال بۇگىن – ماۋسىمنىڭ 6-سىندا ەنىپ جاتىر. ونىڭ ۇستىنە، بۇگىنگى ميتينگىگە العاش رەت ۇندەپ شاقىرعاندا، بۇل زاڭ سول كەزدە پارلامەنتتە ءالى تالقىلانىپ جاتقان بولاتىن. ياعني، بۇگىنگى اكتسيالاردى ۇيىمداستىرۋشىلار وسى ميتينگىنى جاڭا زاڭعا سايكەس: بەس كۇن بۇرىن جەرگىلىكتى بيلىك ورگاندارىنا الدىن الا حابارلاما جىبەرىپ، وتكىزۋگە بارلىق مۇمكىندىكتەرى بولدى. الايدا، وكىنىشكە قاراي ۇيىمداستىرۋشىلار قاساقانا، جاڭا زاڭنىڭ بۇگىن عانا ءوز كۇشىنە ەنەتىنىن بىلە تۇرا، ميتينگىگە شاقىرىپ، ۇندەپ جاتتى»، – دەپ جازدى ەرلان قارين.

ەكىنشىدەن، قر پرەزيدەنتىنىڭ كەڭەسشىسى، قۇقىقتىق نورمالاردان باسقا، توتەنشە جاعداي اياقتالعانىمەن، كارانتيننىڭ ءبىرشاما شەكتەۋلەرى ءالى دە ساقتالۋدا ەكەنىن اتاپ ءوتتى.

«سانيتارلىق قىزمەت وكىلدەرى كوپشىلىك جينالاتىن شارالاردان باسقا، ءتىپتى وتباسىلىق شارالاردان باس تارتا تۇرۋعا قايتا-قايتا ۇندەۋدە. وسىنداي جاعدايدا باسقا ازاماتتاردىڭ دەنساۋلىعى مەن قاۋىپسىزدىگىمەن ساناسپاي، وسىنداي شارانى وتكىزۋ قاي جاعىنان قاراساڭىز دا دۇرىس بولمادى»، – دەپ ءتۇسىندىردى ول.

سوڭعى جاڭالىقتار