6 ماۋسىم, 16:39 310 0 جاڭالىقتار اسىل تۇمار

اتىراۋدان شىمكەنتكە اۋە رەيسى اشىلۋى مۇمكىن

اتىراۋ حالىقارالىق اۋەجايىنان شىمكەنت قالاسىنا قاتىنايتىن اۋە رەيسى اشىلۋى مۇمكىن.

وڭىرلىك كوممۋنيكاتسيالار قىزمەتىنىڭ مالىمەتىنە سۇيەنسەك، العاشقى كەزەكتە «اتىراۋ-شىمكەنت» جانە «شىمكەنت-اتىراۋ» اۋە رەيسىن اشۋ جوسپارلانىپ وتىر.

«ەكى قالا اراسىنداعى اۋە تاسىمالىن قازاقستاندىق FlyArystan اۋە كومپانياسى جۇزەگە اسىرادى دەپ كۇتىلۋدە. ويتكەنى، اتىراۋ وبلىسى اكىمدىگىنىڭ باستاماسىمەن «اتىراۋ» الەۋمەتتىك-كاسىپكەرلىك كورپوراتسياسى» اق مەن FlyArystan اۆياكومپانياسى اراسىندا كەلىسسوز باستالدى. ماقسات – جولاۋشىلاردى قولجەتىمدى اۆيابيلەتپەن قامتاماسىز ەتۋ»، - دەپ حابارلادى وڭىرلىك كوممۋنيكاتسيالار قىزمەتى.

تاراپتار كەلىسىمدى تالقىلاپ، ورتاق مامىلەگە كەلسە، اتىراۋ قالاسىنان تۇراقتى جولاۋشىلار رەيسىن باستاۋ تۋرالى كەلىسىمشارتقا قول قويۋ جوسپارلانۋدا.

سوڭعى جاڭالىقتار