6 ماۋسىم, 15:45 399 0 جاڭالىقتار اسىل تۇمار

مينيستر: ۆاكتسيناتسيا - ءماجبۇرلى شارا ەمەس

سۋرەت عالامتوردان الىندى
سۋرەت عالامتوردان الىندى

دەنساۋلىق ساقتاۋ ءمينيسترى ەلجان ءبىرتانوۆ حالىققا ەكپە جاساۋعا قاتىستى پىكىر ءبىلدىردى.

«ۆاكتسيناتسيالاۋ – قازىرگى كودەكس پەن جاڭا كودەكس جوباسى بويىنشا كەز كەلگەن ادامعا كەلىسىمى ارقىلى عانا (نەمەسە زاڭدى وكىلىنىڭ كەلىسىمى – بالانىڭ اتا-اناسى) جاسالادى. كەز كەلگەن ادام (اتا-انا) ودان باس تارتا الادى. ول ءماجبۇرلى ەمەس. ايتسە دە حالىقتى ۆاكتسيناتسيالاۋ – ينفەكتسيا ەپيدەمياسىنان حالىقتىڭ قورعاۋدىڭ بىردەن-ءبىر عىلىمي نەگىزگە يە ءارى دالەلدەنگەن امالى. بۇل مەملەكەتتىك دەنساۋلىق ساقتاۋدىڭ مىندەتتى شاراسى»، - دەپ جازدى ەلجان ءبىرتانوۆ Facebook پاراقشاسىندا.

مينيستر «ەگەر ۆاكتسيناتسيا مىندەتتى بولمايتىن بولسا – پەرزەنتحانالار مەن اۋرۋحانالاردىڭ دارىگەرلەرى ءۇشىن دە مىندەتتى بولمايتىنىن» جەتكىزدى.

«بىزگە بۇل ۆاكتسينالاردى ساتىپ الۋ كەرەك بولماي قالادى. جىلىنا 4 ميلليوننان استام بالاعا تۋعان كەزدە جانە تۋعاننان كەيىن مەملەكەت ەسەبىنەن پوليوميەليت، تۋبەركۋلەز، سىرەسپە، قىزىلشا، كوكجوتەل، گەپاتيت، پنەۆمونياعا قارسى ەكپە جاسالمايدى»، - دەپ ءتۇيدى ەلجان ءبىرتانوۆ.

ايتا كەتەرلىگى، پارلامەنت ءماجىلىسىنىڭ دەپۋتاتتارى «قازاقستان رەسپۋبليكاسىنىڭ دەنساۋلىق ساقتاۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ماقۇلداعان بولاتىن. ىزىنشە ەكپەلەردىڭ ءبارىن دە مىندەتتى جانە ەرىكتى دەپ ەكىگە ءبولۋ تۋرالى شەشىم قابىلداندى.

سوڭعى جاڭالىقتار