5 ماۋسىم, 20:15 524 0 جاڭالىقتار اسىل تۇمار

2 ميلليونعا جۋىق ازاماتتىڭ نەسيە مەرزىمى كەيىنگە شەگەرىلدى

2 ميلليونعا جۋىق قارىز الۋشىنىڭ نەسيە مەرزىمى كەيىنگە قالدىرىلدى جانە 1,5 مىڭعا جۋىق نەسيە جەڭىلدىكپەن كرەديتتەۋ باعدارلاماسى بويىنشا نەسيە الۋعا ماقۇلداۋدان ءوتتى، - دەپ جازدى قازاقپارات.

قارجى نارىعىن رەتتەۋ جانە دامىتۋ اگەنتتىگى حالىقتى جانە بيزنەستى قولداۋ جونىندەگى شارالاردىڭ ورىندالۋىن مونيتورينگتەۋدى جالعاستىرۋدا.

2 ماۋسىمداعى جاعداي بويىنشا، ەكىنشى دەڭگەيلى بانكتەر جانە وزگە كرەديتتىك ۇيىمدار تولەمدى توقتاتا تۇرۋعا 265,8 ملرد تەڭگەگە 1 883 111 جەكە تۇلعانىڭ ءوتىنىشىن ماقۇلدادى. ونىڭ ىشىندە حالىقتىڭ الەۋمەتتىك وسال توپتارىنان 345 مىڭنان استام ادام 42 ملرد تەڭگەەنىڭ نەسيە تولەمىن كەيىنگە شەگەردى. بۇل - قارىزدانۋشى جەكە تۇلعالاردىڭ جالپى سانىنىڭ 34 پايىزى.

سونداي-اق 12 411 شاعىن جانە ورتا كاسىپكەرلىك سۋبەكتىسى 164,6 ملرد تەڭگەگە نەمەسە شاعىن جانە ورتا بيزنەس سۋبەكتىلەرىنىڭ 41,6% تولەۋ مەرزىمىن كەيىنگە قالدىردى. قالعان وتىنىمدەر قارالىپ جاتىر. ولار بويىنشا 10 جۇمىس كۇنى ىشىندە ءتيىستى شەشىم قابىلدانادى.

كاسىپكەرلەردى جەڭىلدىكپەن كرەديتتەۋ باعدارلاماسى شەڭبەرىندە قاراجاتتى يگەرۋ مونيتورينگى ەكىنشى دەڭگەيلى بانكتەردەن الىنعان دەرەكتەر بويىنشا 2 ماۋسىمدا شاعىن جانە ورتا بيزنەس سۋبەكتىلەرى جانە دارا كاسىپكەرلەرگە 187,8 ملرد تەڭگە سوماعا 1336 قارىز ماقۇلداندى.

 

سوڭعى جاڭالىقتار