5 ماۋسىم, 13:55 852 0 جاڭالىقتار اسىل تۇمار

كۇشىكتى تىرىدەي ورتەپ جىبەرگەن بالالار ۇستالدى (ۆيدەو)

الماتى وبلىسىندا ءيتتىڭ كۇشىگىن تىرىدەي ورتەگەن بالالار ۇستالدى. قىلمىس الماتى وبلىسى الاكول اۋدانىنىڭ قابانباي اۋىلىندا بولعان. الەۋمەتتىك جەلىدە جاريالانعان جاسوسپىرىمدەر تۇسىرگەن بەينەجازبا حالىقتىڭ نارازىلىعىن تۋدىردى. 

«بۇل قىلمىستى جاسادى دەگەن كۇدىكپەن كامىلەتكە تولماعان ەكى ءجاسوسپىرىم ۇستالدى. ولار 2004 جىلى تۋعان ش. جانە 2005 جىلى تۋعان د. ەسىمدى بالالار. ولار شۇعىل ۇيىمداستىرىلعان تەرگەۋ جۇمىستارىنىڭ العاشقى ساعاتتارىندا-اق انىقتالدى. جاسوسپىرىمدەر وزدەرىنىڭ جانتۇرشىگەرلىك ارەكەتتەگى كىنالارىن تولىعىمەن مويىنداپ، اۋىر قىلمىستى قىزىق ءۇشىن جاساعاندارىن جەتكىزدى. بۇل – قىلمىستىق جاۋاپكەرشىلىك كوزدەلەتىن قاسكويلىك جاعداي»، – دەدى الماتى وبلىسى الاكول اۋدانى پوليتسيا ءبولىمىنىڭ باستىعى پوليتسيا پودپولكوۆنيگى قۋات وسپانوۆ.

اتالعان دەرەك بويىنشا قر قىلمىستىق كودەكسىنىڭ 316-بابىنىڭ 2-تارماعىمەن كوزدەلگەن قىلمىس بويىنشا قىلمىستىق ءىس قوزعالىپ، سوتقا دەيىنگى تەرگەۋ جالعاسۋدا.

سوڭعى جاڭالىقتار