5 ماۋسىم, 11:35 366 0 جاڭالىقتار اسىل تۇمار

كارانتين كەزىندە رۇقسات قاعازىن ساتقان اكىمدىك قىزمەتكەرى جازاعا تارتىلدى

سۋرەت عالامتوردان الىندى
سۋرەت عالامتوردان الىندى

سەمەي قالاسىندا كارانتين كەزىندە رۇقسات قاعازىن ساتىپ پايدا تاپقان اكىمدىك قىزمەتكەرى سوتتالدى.

سىبايلاس جەمقورلىققا قارسى ءىس-قيمىل اگەنتتىگى شقو بويىنشا دەپارتامەنتىنىڭ مالىمەتىنە سۇيەنسەك، قالالىق كاسىپكەرلىك ءبولىمىنىڭ باس مامانى اۆتوكولىك جۇرگىزۋشىلەرىنە 5 قىزىل رۇقسات قاعازىن ساتقان.

تەرگەۋ امالدارى اياقتالعان سوڭ ونىڭ ءىسى سەمەي قالالىق №2 سوتىندا قارالدى.

«باس مامان توتەنشە جاعداي كەزىندە 25 مىڭ تەڭگە پارا الىپ، اۆتوكولىك يەلەرىنە قالا ىشىندە جۇرۋگە ارنالعان رۇقسات قاعازىن زاڭسىز بەرگەن. سوت ۇكىمىمەن ايىپتالۋشىعا 1 250 000 تەڭگە مولشەرىندە ايىپپۇل سالىندى»، – دەلىنگەن حابارلامادا.

سوڭعى جاڭالىقتار