4 ماۋسىم, 17:25 442 0 قوعام انار لەپەسوۆا

تىلەۋحەن ابىلداەۆ بۇرىنعى قىزمەتىنە قايتا ورالدى

الماتى قالالىق قوعامدىق دەنساۋلىق ساقتاۋ باسقارماسىنىڭ ەكس-باسشىسى تىلەۋحان ابىلداەۆ ءوزىنىڭ بۇرىنعى قىزمەتىنە، قالالىق الەۋمەتتىك مەديتسينالىق ساقتاندىرۋ قورىنىڭ باسشىلىعىنا قايتا ورالدى.

بۇل اقپاراتتى الەۋمەتتىك مەديتسينالىق ساقتاندىرۋ قورىنىڭ قالالىق فيليالى راستادى.

ال بۇل قىزمەتتە از مەرزىمدە وتىرعان نۇرلىبەك قابدىقاپاروۆ اتىراۋ وبلىسى دەنساۋلىق ساقتاۋ باسقارماسىنىڭ باسشىلىعىنا اۋىستى.

ايتا كەتۋ كەرەك، تىلەۋحان ابىلداەۆ باسقارما باسشىسى قىزمەتىنە بىلتىر جەلتوقسان ايىندا تاعايىندالعان بولاتىن.

ول 1962 جىلى 6 قاراشادا تۋعان. 1985 جىلى الماتى مەديتسينالىق ينستيتۋتىن تامامداعان. ەڭبەك جولىن 1983 جىلى №2 كلينيكالىق اۋرۋحانادا مەديتسينالىق قىزمەتشى بولىپ باستاعان.

ءار جىلدارى حيرۋرگ، حيرۋرگيا ءبولىمىنىڭ باسشىسى، تالاس اۋداندىق اۋرۋحاناسىنىڭ باسشىسى، قر ۇلتتىق تۋبەركۋلەز ورتالىعىنىڭ ديرەكتورى بولىپ قىزمەت اتقارعان.

2018 جىلى الەۋمەتتىك مەديتسينالىق ساقتاندىرۋ قورىنىڭ الماتى فيليالىنىڭ ديرەكتورى بولىپ تاعايىندالعان.

 

سوڭعى جاڭالىقتار