4 ماۋسىم, 17:58 401 0 ەكونوميكا ارايلىم بيمەنديەۆا

كارانتيندەگى كاسىپورىنداردى تەكسەرۋ ۋاقىتشا توقتاتىلادى

ەلىمىزدە توتەنشە جاعدايدىڭ اياقتالۋىنا بايلانىستى سالىقتىق جانە كەدەندىك تەكسەرۋلەر جاڭارتىلدى. بۇل رەتتە كاسىپكەرلىك سۋبەكتىلەرىنىڭ جۇمىس جاساۋ رەجيمى ەسكەرىلەتىن بولادى.

ەگەر دە تەكسەرىلەتىن كاسىپورىننىڭ قىزمەتكەرى كارانتينگە كەتكەن بولسا، وندا كاسىپورىننىڭ جۇمىسى قايتا جاندانعان ۋاقىتقا دەيىن تەكسەرۋ ۋاقىتشا توقتاتىلادى. بۇل رەتتە كاسىپكەرلىك سۋبەكتىسىنە قۇجاتتاردى ۇسىنۋ تۋرالى تالاپناما تابىس ەتىلەدى.

بۇگىنگى تاڭدا مەملەكەتتىك كىرىستەر ورگاندارىندا 1 403 سالىق جانە 382 كەدەندىك تەكسەرۋ وندىرىستە.

سونىمەن بىرگە، سىرتقى ەكونوميكالىق قىزمەتكە قاتىسۋشىلارمەن تىكەلەي بايلانىستى ازايتۋ ءۇشىن، جەرگىلىكتى جەرلەردە كەدەندىك تەكسەرۋلەردىڭ باسىم بولىگى كاسىپورىنعا بارماي-اق، قاشىقتىقتان جۇرگىزىلەتىن بولادى. ونداي تەكسەرۋلەر سانى 60-تان اسادى.

سونداي-اق، كاسىپكەرلەردى قولداۋ ماقساتىندا مەملەكەتتىك كىرىستەر كوميتەتى 2020 جىلدىڭ ەكىنشى جارتىجىلدىعىنا سالىق تەكسەرۋلەرىنىڭ كەستەسىن جاساۋدان باس تارتتى. بۇل دەگەنىمىز، 700-گە جۋىق تەكسەرۋ جاسالمايدى.

ناقتى زاڭ بۇزۋشىلىقتار بويىنشا عانا جوسپاردان تىس تەكسەرۋلەر جۇرگىزىلەدى.

سوڭعى جاڭالىقتار