4 ماۋسىم, 16:06 423 0 جاڭالىقتار انار لەپەسوۆا

مەملەكەت باسشىسى ۇقك القاسىنىڭ كەڭەيتىلگەن وتىرىسىن وتكىزدى

قازاقستان پرەزيدەنتى قاسىم-جومارت توقاەۆ ۇلتتىق قاۋىپسىزدىك كوميتەتى القاسىنىڭ كەڭەيتىلگەن وتىرىسىن وتكىزدى، دەپ حابارلايدى اقوردانىڭ ءباسپاسوز قىزمەتى.

مەملەكەت باسشىسى وتكىزگەن جيىنعا ۇلتتىق قاۋىپسىزدىك كوميتەتى ورتالىق اپپاراتىنىڭ جانە ايماقتىق بولىمشەلەرىنىڭ باسقارۋشى قۇرامى قاتىستى.

جيىن الدىندا قاسىم-جومارت توقاەۆ قىزمەتتىك مىندەتتەرىن اتقارۋ كەزىندە قازا بولعان ۇقك ورگاندارى قىزمەتكەرلەرىن ەسكە الۋعا ارنالعان ستەلاعا گۇل شوقتارىن قويدى.

سونداي-اق ۇقك ورتالىق اپپاراتىنىڭ 2017 جىلى قايتا جوندەۋدەن وتكەن مۋزەيىندەگى تاۋەلسىزدىك العان ساتتەن بەرگى كوميتەتتىڭ دامۋ تاريحىن قامتيتىن ەكسپوزيتسيانى كوردى.

وتىرىس بارىسىندا قازاقستان پرەزيدەنتى ۇقك توراعاسى كارىم ءماسىموۆتىڭ بايانداماسىن، كوميتەتتىڭ قۇرىلىمدىق جانە ايماقتىق ورگاندارى باسشىلارىنىڭ ەسەبىن تىڭدادى.

جيىن سوڭىندا مەملەكەت باسشىسى ۇلتتىق قاۋىپسىزدىك جۇيەسىن ودان ءارى جەتىلدىرۋ ماقساتىندا بىرقاتار ناقتى تاپسىرما بەردى.

 

سوڭعى جاڭالىقتار